CEFAM müəllimləri UNEC-də mühazirə keçib
Fransanın Leon şəhərində yerləşən Fransa və ABŞ-ın birgə təhsil müəssisəsi olan CEFAM-ın (İnterational School of Business and Management) nümayəndə heyəti Azərbaycan Dövlət İqtsad Universitetində (UNEC) olublar.
Avropa İttifaqının Erasmus+ proqramı çərçivəsində universitetdə olan nümayəndə heyəti Valida Meçri və Ketrin Guillotun UNEC-in Beynəlxalq əlaqələr və proqramlar üzrə prorektoru Şahin Bayramov və Beynəlxalq əlaqələr departamentinin rəhbəri Anar Kazımovla görüşüb. Görüşlərdə ikili əməkdaşlıq və mübadilə proqramı barədə müzakirələr aparılıb.
CEFAM-ın nümayəndə heyəti Erasmus+ proqramı çərçivəsində UNEC-də Beynəlxalq İqtisadiyyat Məktəbi və SABAH qruplarına mühazirələr oxuyub.
Qeyd edək ki, UNEC və CEFAM arasında imzalanan müqaviləyə əsasən UNEC-in 5 tələbəsi hazırda CEFAM–da təqaüdlə bir semestrlik təhsil alır.