Dirçəliş yolundan başlanan şanlı tarix

Azərbaycan Dövlət İqtisad Universitetinin (UNEC) Zaqatala filialında Milli Dirçəliş Gününə həsr olunan “Dirçəliş yolundan başlanan şanlı tarix” mövzusunda tədbir keçirilib.

Dövlət himninin səsləndirilməsindən sonra UNEC-in Zaqatala filialının direktoru, professor Orucəli Rzayev Milli Dirçəliş Gününün tarixinə qısa nəzər salıb. Azərbaycan xalqının milli azadlıq mübarizəsində ümumxalq hərəkatının önəmli yer tutduğu qeyd edilərək, hadisələrin müstəqilliyimizə aparan yolda mühum rol oynadığı bildirilib. Müasir müstəqil Azərbaycan dövlətinin yaranmasında, inkişafında və dünyada tanınmasında Ümummilli Lider Heydər Əliyevin misilsiz tarixi xidmətlərindən bəhs edən O.Rzayev Ulu Öndərin ideyalarının əbədiyaşar olduğunu bildirib. Ulu Öndərin siyasəti Prezident İlham Əliyev tərəfindən qətiyyətlə davam etdirildiyi, ölkəniz çox sürətlə inkişaf etdiyi diqqətə çatdırılıb.

Ümumfənlər kafedrasının dosenti C.Arıxovun “Milli qürur günümüz” və  kafedranın müəllimi Cabbarlı Fəridin “Xalqımızın yaratdığı böyük tarix” mövzusunda çıxışından sonra Milli Dirçəliş gününə həsr olunan film nümayiş etdirilib. Tədbir tələbələrin iştirakı ilə hazırlanan bədii kompozisiyaya ilə davam edib.

 

1-IMG_5679 1-IMG_5684 1-IMG_5687

253 1