i.f.d., b/m. Əkbərov Elbrus Həsən oğlu
15 yanvar 1974-cü ildə Ağdam rayonunda anadan olmuşdur.
1997-ci ildə Bakı Dövlət Əmtəəşünaslıq-Kommersiya İnstitunun (hazırki UNEC) “Qeyri-ərzaq malları əmtəəşünaslığı” ixtisasının bakalavr, 1999-cu ildə isə həmin ixtisasın magistr pilləsini fərqlənmə diplomu ilə bitirmişdir.
1999-cu ildən əmək fəaliyyətinə həmin İnstitutda laborant kimi başlamış, 2001-ci ildən isə Azərbaycan Dövlət İqtisad Universitetinin (UNEC) “Kommersiya” kafedrasına müəllim vəzifəsinə keçirilmişdir. 2004-cü ildən “Marketinq” kafedrasında çalışıb. Hazırda “Biznes və logistika” kafedrasının baş müəllimidir.
2017-ci ilin yanvar ayından Aqrar Tədqiqatlar Mərkəzinin dessertantıdır. 2024-cü ildə “Kənd təsərrüfatı məhsulları ixracının stimullaşdırıcı istiqamətləri” mövzusunda dissertasiya isi müdafiə edərək, iqtisad elmləri üzrə fəlsəfə doktoru elmi dərəcəsi almışdır.
25-ə qədər elmi əsərin müəllifidir. Bir sıra beynəlxalq və yerli konfranslarda məruzəçi və moderator olmuşdur.
Azərbaycan Dövlət İqtisad Universitetində (UNEC) tədris prosesinin təşkilində, universitetin ictimai həyatında, həmçinin özünü inkişaf sahəsində səmərəli fəaliyyətinə görə rəhbərlik tərəfindən dəfələrlə təşəkkürnamə və sertifikatlara layiq görülmüşdür.
UNEC-in 90 illik yubileyi münasibətilə yüksək ixtisaslı kadrların hazırlanmasındakı xidmətlərinə görə Azərbaycan Respublikası Elm və Təhsil Nazirliyinin Fəxri Fərmanı ilə təltif olunmuşdur.
2015-2016-cı illərdə “Kommersiya” fakültəsinin dekan müavini vəzifəsində işləyib.
Hazırda “Biznes və menecment” fakültəsinin dekan müavinidir.
Ailəlidir. İki övladı var.
