Rusiyanin ali iqtisad məktəbində təcrübə keçmək imkani

10 OKTYABR 2016

Təhsil və elm sahəsində imzalanan ikitərəfli əməkdaşlıq müqaviləsi çərçivəsində Milli Tədqiqat Universiteti “Ali İqtisad Məktəbi” (MTU AİM) Azərbaycan Dövlət İqtisad Universitetinin 3-4-cü kurs tələbələrini və magistrlarını 2016/2017-cı tədris ilinin 14-27 noyabr tarixləri arasında 2 həftə ərzində tələbə təcrübə  proqramında iştirak etməyə dəvət edir.

Proqramın əsas məqsədi tələbələrin əlavə bilik, təcrübə və bacarıqların əldə olunmasında, həm şəxsi həm professional əlaqələrin yaradılmasında dəstək olmaq və köməklik göstərməkdir. Təcrübə zamanı tələbələr seçilmiş ixtisas üzrə kurslara qatılmaq, AİM-in təşkil etdiyi elmi seminar və konfranslarda iştirak etmək, universitet kitabxana resurslarına daxil olmaq imkanlarını əldə edəcəklər. Proqramın tələbələr sertifikat ilə təltif olunacaqlar.

Proqram çərçivəsində tələbələr yalnız öz nəqliyyat və yaşayış xərclərini qarşılayırlar.

Proqramda iştirak etmək arzusunda olanlar CV və sərhədkeçmə sənədini/pasportun sürətini 2016-ci il 14 oktyabr tarixinə kimi Beynəlxalq Əlaqələr Departamentinə (tel.: 492 60 45, otaq 115, Afət Ələkbərova)  təqdim etməlidirlər.

Proqram haqqında ətraflıməlumat  https://www.hse.ru/sng/internships  saytında yerləşdirilib.