i.e.d., prof. Fazil Şöhlət oğlu Hacıyev
11 yanvar 1956-cı ildə anadan olmuşdur.
1963-1973-cü illərdə orta məktəbdə təhsil almışdır.
1974-1976-cı illərdə keçmiş Almaniya Demokratik Respublikasındakı sovet hərbi kontingentinin tərkibində xidmət etmişdir.
1978-ci D.Bünyadzadə adına Azərbaycan Xalq Təsərrüfatı İnstitutunun (indiki Azərbaycan Dövlət İqtisad Universiteti) Uçot-iqtisad fakültəsinin əyani şöbəsinə qəbul olunmuşdur. 1982-ci ildə institutun “Mühasibat uçotu, nəzarət və təsərrüfat fəaliyyətinin təhlili” ixtisası üzrə fərqlənmə diplomu ilə bitirmişdir. Ali təhsilli mütəxəssis kimi Fuzuli rayonu “Araz” sovxozunda baş mühasib işləmişdir. 1983-1985-ci illərdə isə rayon komsomol komitəsində təşkilat şöbəsinin müdiri vəzifəsində çalışmışdır.
1985-1988-ci illərdə istehsalatdan ayrılmaqla universitetin aspiranturasında əyani təhsil almışdır. 1988-ci ildə gənc mütəxxəsis kimi “Təsərrüfat fəaliyyətinin təhlili” kafedrasınının nəzdində laboratoriya müdiri 1989-cu ildə isə həmin kafedranın müəllimi, baş müəllimi vəzifələrində işləmiş, 1996-cı ildə müsabiqə yolu dosent seçilmişdir. 2001-2005-ci illərdə “Uçot-iqtisad” fakültəsinin tədris işləri üzrə dekan müavini işləmişdir.
1988-ci ildə vaxtından əvvəl yazdığı dissertasiya işini M.B.Lomonosov adına Moskva Dövlət Universitetində “Mühasibat uçotu, nəzarət və təsərrüfat fəaliyyətinin təhlili” doktorluq işi üzrə ixtisaslaşmış müdafiə şurasında müdafiə edərək iqtisad elmləri namizədi alimlik dərəcəsini almışdır. Hazırda Azərbaycan Dövlət İqtisad Universitetinin “Mühasibat uçotu və audit” kafedrasının professorudur.
*
2010-cu ildə “Mühasibat uçotu, statistika” ixtisası üzrə iqtisad elmləri doktoru alimlik dərəcəsi elm adına layiq görülmüşdür və Ali Attestasiya Komissiyası tərəfindən təsdiq edilmişdir.
2000-2003-cü ildə İqtisad Universitetinin Uçot-iqtisad fakultəsində həmkarlar təşkilatının sədri işləmişdir. 2001-ci ildə həmin fakultədə dekan vəzifəsini icra etmişdir. Fakultə elmi şurasının üzvü və katibi olmuşdur. Azərbaycan İqtisadçılar İttifaqının, həmçinin Azərbaycan Respublikası Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elm-Tədqiqat və Tədris Mərkəzində “Mühasibat uçotu” ixtisası üzrə dokturanturaya qəbul komissiyasının üzvüdir. Eyni zamanda beynəlxalq lisenziyali “Azərbaycan vergi” jurnalında resenzisdir.
28 dekabr 2016-cı il tarixdə UNEC-in rektoru Ə.Muradov “31 dekabr Dünya Azərbaycanlılarıının Həmrəylik Günü” və “Yeni il” bayramları münasibəti ilə səmərəli elmi-pedaqoji və əmək fəaliyyəti münasibəti ilə mükafatlandıraraq təşəkkür etmişdir (ƏMR № 902/3/2016).
Pedaqoji fəaliyyəti dövründə istedadlı alim 130-dən çox elmi-metodiki əsər (3 monoqrafiya, 3 dərs vəsaiti, 12 metodik göstəriş, 14 tədris proqramı) yazmışdır. Xarici ölkələrdə 10 elmi məqaləsi nəşr olunmuşdur. 5-dən çox beynəlxalq konfransın materiallarında elm məqalələri çap edilmişdir.
Respublikamızın iqtisadi həyatı ilə bağlı dövri mətbuatda 20-dən çox elmi məqaləsi çap olunmuşdur.
Azərbaycanın sosial-iqtisadi inkişafında turizmin fəaliyyətinin təhlili və audit qiymətləndirilməsi (10.03.2017)