suqra_humbatovai.f.d. Hümbətova Suqra İnqilab qızı

e-mail: sugra_humbatova@unec.edu.az
mob: (+99450) 323 58 78

1979-cu ildə Bakı şəhərində anadan olub.

1996-cı ildə biologiya-kimya təmayülü ilə “Zəngi” liseyini əla qiymətlərlə bitirib.

2000-ci ildə Azərbaycan Dövlət İqtisadiyyat İnstitutunun (indiki Azərbaycan Dövlət İqtisad Universiteti) bakalavr pilləsini “İqtisadiyyatın tənzimlənməsi” ixtisası “Qiymətin əmələ gəlməsi” ixtisaslaşması üzrə fərqlənmə diplom ilə bitirib.

2002-ci ildə Azərbaycan Dövlət İqtisad Universitetinin magistr pilləsini “İqtisadiyyatın tənzimlənməsi” ixtisası “Qiymətin əmələ gəlməsi” ixtisaslaşması üzrə  fərqlənmə diplom ilə bitirib.

2012-ci ildə Azərbaycan Dövlət İqtisad Universitetində “Daxili bazarın qorunması və iqtisadi təhlükəsizliyinin təmin olunmasında qiymət amilindən istifadə yolları” mövzusunda dissertasiya işini 5308.01 şifrəsi “Ümumi iqtisadiyyat” ixtisası üzrə müvəffəqiyyətlə müdafiə etmiş, Azərbaycan Respublikası Prezidenti Yanında Ali Attestasiya Komissiyasının qərarı ilə iqtisad üzrə fəlsəfə doktoru dərəcəsinə layiq görülmüşdür.

2014-cü ildən “Aqrar bazarda tədiyyə qabiliyyətli tələbin artırılması istiqamətləri” mövzusu üzrə İqtisad elmləri doktoru proqramı üzrə doktorantdır.

2001-2014-cü illərdə “Qiymət və qiymətləndirmə” kafedrasının baş laborantı işləmişdir.

2014-2018-ci illər ərzində “Qiymət və qiymətləndirmə” kafedrasında müəllim vəzifəsində çalışmışdır.

2018-ci ildən indiyədək Beynəlxalq Magistratura və Doktorantura Mərkəzinin “İqtisadiyyat və idarəetmə” kafedrasının baş müəllimi, eyni zamanda “İqisadiyyat”, “Statistika”, “Sənayenin təşkili və idarəedilməsi” ixtisasları üzrə proqram rəhbəridir.

Tədris etdiyi fənlər siyahısında “Ali Mikroiqtisadiyyat”, “Ali Makroiqtisadiyyat”, “Dövlət sektorunun iqtisadiyyatı”, “Tədqiqat metodları”, “Qiymət və dövlətin antiinhisar siyasəti”, “Qiymət və qiymətləndirmə”, “İnvestisiya layihələrinin qiymətləndirilməsi” yer almışdır.

2017-ci ildən UNEC-in SABAH Qruplarında “Qiymət və qiymətləndirmə” fənni tədris edir.

2017-ci ildən UNEC-in “Gənc müəllimlər Şurası”nın idarə heyətinin üzvüdür.

2018-ci ildən UNEC “Gənc alimlər Şurası”nın üzvüdür.

2016-2019-cu illərdə UNEC-in “Keyfiyyət elçisi” olub.

2011-ci ildə “Heydər Əliyev və Müstəqil Azərbaycanın 20 illik Sosial-İqtisadi İnkişafı” mövzusunda Respublika Elmi Məqalə Müsabiqəsində Doktorantlar arasında I yerə layiq görülmüş və mükafatlandırılmışdır.

*

2017-ci ilin noyabrında UNEC-də “Elm aylığı” çərçivəsində professor-müəllim heyəti, doktorant, gənc tədqiqatçı, magistr və tələbələr arasında keçirilən elmi məqalə müsabiqəsində III yeri tutmuşdur.

2017-ci il Türkiyə Respublikasının İsparta şəhərində UNEC ilə Süleyman Demirel Universitetinin birlikdə təşkilatçılığı ilə II Beynəlxalq İqtisadi və İnzibati Perspektivlər: Dayanıqlı Qlobal Rəqabət (İnternational Economic and Administrative Perspectives (CİEP) Sustainable Global Competition)mövzusunda beynəlxalq konfransda “Azərbaycanda rəqabət yönümlü iqtisadiyyatın formalaşmasında (istehlak və tədiyyə qabiliyyətli) tələbin rolunun təhlili” mövzusunda məruzə ilə çıxış edib.

2018-ci ildə Türkiyə Respublikası İstanbul Universitetində UNEC-in təcrübə proqramında iştirak etmişdir.

2018-ci ildə Türkiyənin İstanbul şəhərində Uluslararasi Stratejik ve Sosyal Araştırmalar Sempozyumunda məruzə ilə çıxış etmiş və bölmə moderatoru olmuşdur.

2017-ci ildə  “Web of science” elmmetrik bazadan istifadənin əsasları UNEC, Clarivate Analytics; 2018-ci ildə “Elmi-tədqiqat işlərinin əsas nəticələrinin beynəlxalq nüfuzlu nəşrlərdə dərc olunması mexanizmi” UNEC, Clarivate Analytics; 2018-ci ildə “Müasir müəllimin fərdi işçi planının (Syllabus) tərtibi” Azərbaycan Respublikası Təhsil Nazirliyi, ADA Universiteti, SABAH Mərkəzinin təşkilatçılığı ilə və ixtisası üzrə bir sıra digər təlimlərdə iştirak etmiş və sertifikatlar qazanmışdır.

2019-cu ildə UNEC-in təşkilatçılığı ilə British Council-ın keçirdiyi “Academic Writing” kursunu müvəffəqiyyətlə bitirmiş və Aptis imtahan nəticəsi olaraq B2 səviyyə sertifikatı qazanmışdır.

Azərbaycan Dövlət İqtisad Universitetinin “Professor-müəllim heyətinin differensial əmək haqqı sistemi”ndə 2016-2017-ci tədris ili üzrə reytinq cədvəlində 79-cu, 2017-2018-ci tədris ilində 5-ci, 2018-2019-cu tədris ilində 8-ci yerdə qərarlaşmışdır.

2001-ci ildən Azərbaycan və ölkədən kənarda o cümlədən, Web of science, Scopus bazasında indeksləşdirilən elmi jurnallarda nəşr olunan məqalələr (12 məqalə) də nəzərə alınmaqla 90 elmi əsərin (o cümlədən, metodik göstərişlər və 1 dərslikdə həmmüəlliflik) müəllifidir.

.

DSC_8448IMG-20171006-WA0000IMG-20171006-WA0019suqra_qiymet

i.f.d. S.Hümbətova UNEC NEWS-da

UNEC alimləri beynəlxalq elmi jurnalda ölkə regionlarının inkişafının funksional təhlilini aparıb (20.11.2017)
Elmi məqalə müsabiqəsinin qaliblərini tanıyın
 (10.11.2017)
UNEC Gənc Müəllimlər Şurasının üzvlərini tanıyın
 (07.11.2017)
UNEC Gənc Müəllimlər Şurası yaradılıb
 (06.11.2017)

“II Beynəlxalq İqtisadi və İnzibati Perspektivlər: Dayanıqlı Qlobal Rəqabət”
 (11.10.2017)