shaxla44066985_n

Qəhrəmanova Şəhla Şəki qızı

[email protected]
gahramanovas@gmail.com 

Şəhla Qəhrəmanova Azərbaycan Dövlət İqtisad Universitetinin «İqtisadiyyat və biznesin idarə edilməsi” kafedrasının baş müəllimidir. “Biznes etikası və korporativ idarə etmə”, “Korporativ sosial məsuliyyət”, “İnsan resurslarının idarə edilməsi”, “İşgüzar ünsiyyət/İşgüzar yazışma” və menecment və biznesin idarə edilməsilə bağlı digər müvafiq fənləri tədris edir.

1997-ci ildə Azərbaycan Dillər Universitetinin “İngilis-fransız dilləri” ixtisası üzrə, 2003-cü ildə isə Ukrayna Xarici İşlər Nazirliyi yanında Ukrayna Diplomatiya Akademiyasını “Beynəlxalq münasibətlər” ixtisası üzrə bitirərək magistr dərəcəsi almışdır. 20 ilə yaxın müəllimlik fəaliyyəti ilə yanaşı Şəhla Qəhrəmanova uzun müddət beynəlxalq təşkilatlarda məsul vəzifələrdə çalışmışdır.

Müxtəlif zamanlarda bir sıra nüfuzlu beynəlxalq konfransların iştirakçısı olub və məruzələrlə çıxış edib.

2008 – 2018-ci illər ərzində Florida Dövlət Universitetində (ABŞ),  Zigen Universitetində (Almaniya),  Babes-Bolyai Universitetində (Rumıniya) qonaq müəllim olaraq fəaliyyət göstərib.

Vyana Diplomatiya Akademiyası, ADA Universiteti, Praqa Təkmilləşdirmə İnstitutu,  eləcə də Avropa İttifaqı, BMT, BQXK və digər nüfuzlu beynəlxalq təkilatlar tərəfindən  təşkil edilən təlim kurslarının iştirakçısı olub.

*

2012-ci ildən etibarən müxtəlif auditoriyalar üçün “İşgüzar ünsiyyət”, “İşgüzar yazışma”, “İnsan resurslarının idrə edilməsi”, “Peşə etikası”, “Münaqişələrin həlli” mövzularında  təlimlər keçir. 2014-2016-cı illərdə müxtəlif dövlət orqanlarını təmsil edən dövlət qulluqçularına müvafiq mövzularda təlimlər keçib. Azərbaycan Respublikasının Prezidenti yanında Dövlət Qulluğuna Qəbul Komissiyasının BMT və GİZ-lə birgə təşkil etdiyi təlimlər çərçivəsində dövlət qulluqçuları üçün “Təlimçilərin təlimi” kursu da daxil olmaqla müvafiq mövzularda təlim paketləri hazırlayıb və təqdim edib.

2018-2019-cu illərdə UNEC müəllimləri üçün təşkil olunan təlimlərdə “Effektiv təqdimatların hazırlanması və auditoriyaya çatdırılması yolları”, “Komanda halında tapşırıqların təşkili və effektivliyinin təmin edilməsi”, “İnkluziv Təhsildə Pedaqoji Etika” və digər müvafiq mövzularda təlimlər keçmişdir.

2015-ci ildən Azərbaycan Dövlət İqtisad Universitetinin dissertantıdır.

Fakültə Elmi Şurasının üzvüdür.

2018-ci ildən 2023-cü ilin martına kimi UNEC Biznes Məktəbinin Direktor müavini vəzifəsində çalışıb.

 

Ş.Qəhrəmanova UNEC NEWS-da

Avropa universitetində UNEC müəllimlərinin mühazirələri dinlənilib (26.05.2017)

shaxla_qaxramanovauj1