xanhuseyn_kazimli1«Qiymət və qiymətləndirmə» kafedrasının müdiri prof. Kazımlı Xanhüseyn Hüseynağa oğlu

e-mail: x.kazimli@unec.edu.az

1942-ci il oktyabrın 1-də İmişli rayonunun Ağaməmmədli kəndində anadan olmuşdur.

1967-ci ildə Azərbaycan Xalq Təsərrüfatı İnstitutunu (indiki Azərbaycan Dövlət İqtisad Universiteti) bitirmiş, təhsil əlaçısı və ictimaiyyətçi tələbə kimi təyinatla institutda saxlanılmışdır.

1971-ci ildə iqtisad elmləri namizədi, 1989-cu ildə iqtisad elmləri doktoru alimlik dərəcəsi almışdır.

Müxtəlif illərdə Azərbaycan Dövlət İqtisad Universitetində komsomol və həmkarlar komitələrinin sədri, kafedra müdiri, prorektor və digər vəzifələrdə çalışmışdır. 27 iyun 1994 – 12 mart 1998-ci illərdə Respublika Baş Qiymətlər İdarəsinin rəisi; 12 mart 1998 – 30 may 1999-cu illərdə Azərbaycan Respublikası Milli Məclisi Aparatının İqtisadi qanunvericilik şöbəsinin müdiri vəzifələrində işləmişdir.

Birinci, ikinci və üçüncü çağırış AR Milli Məclisinin deputatı seçilmişdir. Azərbaycan Sosial Rifah Partiyasının (ASRP) sədridir. 1998-ci ildən Azərbaycan Qiymətləndiricilər Cəmiyyətinin (AQC) fəxri sədri; 2002-ci ildən Müstəqil Dövlətlər Birliyi Qiymətləndiricilər Assosiasiyası Mərkəzi Şurasının üzvüdür. 2003-2005-ci illərdə həmin beynəlxalq təşkilata rəhbərlik etmişdir.

12 iyun 2002-ci ildə elmi-pedaqoji və ictimai-siyasi fəaliyyətindəki uğurlarına görə «Şöhrət» ordeni ilə təltif edilmişdir. Təhsildə, elmi yaradıcılıqda və Azərbaycanın ictimai-siyasi həyatındakı səmərəli fəaliyyətinə görə «Hacı Zeynalabdin Tağıyev» və «Qızıl Qələm» media mükafatı laureatı diplomlarına layiq görülmüşdür.

2008-ci ildən İqtisad Universitetinin «Qiymət və qiymətləndirmə» kafedrasının müdiridir. Elmi-metodiki və Müdafiə Şuralarının üzvüdür. «Əmlak və iqtisadiyyat» jurnalının baş redaktorudur. 23 dərslik və dərs vəsaiti, monoqrafiyaların, 350-dən artıq məqalənin müəllifidir.

DSC_0080xanhuseyn11xanhuseyn1122esasxanhuseyn-kazimli

Lələtəpə fatehləri ilə görüş – VİDEO (07.04.2017)
UNEC kollektivi Lələtəpədə
 (07.04.2017)
UNEC-də “Aprel döyüşləri bizim şanlı qələbəmizdir” devizi altında vətənpərvərlik tədbiri keçirilib
 (28.12.2016)
UNEC tələbələri ön cəbhədə əsgərlərlə birgə (08.11.2016)
UNEC əməkdaşları Ramazan bayramını cəbhə bölgəsində qeyd ediblər (11.07.2016)

xanhuseyn111-DSC_5324xan_2281-1024x684xan_3094-1024x683

1024 1