Karyera Mərkəzinin yeni layihəsi: “Uğur formulu”

11 OKTYABR 2017 | VIEWS:
2408

UNEC-in Karyera Mərkəzi I kurslar üçün “Uğur formulu” layihəsinə start verib.

Layihənin məqsədi universitet həyatına yeni başlayan gənclərin gələcək karyera inkişafında qarşıya çıxa biləcək çətinliklərin dəf edilməsi, onlara psixoloji dəstəyin göstərilməsi və gələcək iş həyatında faydalı ola biləcək məsləhətlərin verilməsidir.

Layihə çərçivəsində ilk görüş UNEC-in Maliyyə və mühasibat fakültəsinin I kurs tələbələri ilə keçirilib.

Karyera Mərkəzinin direktoru Fuad Əliyev tələbələrə mərkəzin fəaliyyəti haqqında ətraflı məlumat verib. Bildirib ki, mərkəzin məqsədi gənclərin bilik, praktiki bacarıq və vərdişlərinin artırılması, onların məşğulluq problemlərinin həll edilməsi üzrə kompleks təşkilati, texniki, informasiya, konsaltinq, tədris və maarifləndirmə tədbirlərinin həyata keçirilməsidir. “Uğur formulu” layihəsinin tələbələrin karyera inkişafında vacib rol oynayacağını diqqətə çatdıran F.Əliyev görüşlərin UNEC-in bütün fakültələrində təşkil ediləcəyini vurğulayıb.

Sonra Ankara Universitetinin magistri, psixoloq Tariyel Vəliyev tələbələr üçün “Uğura aparan yol” mövzusunda təlim keçib. İnteraktiv oyunlarla keçən təlimin sonunda tələbələri maraqlandıran suallar cavablandırılıb.

2409 1