tecdae4627TEC-in sədri Nərmin Heydərova

1999-cu il yanvarın 22-i Bakı şəhərində anadan olub. 2005-ci ildə 150 saylı orta məktəbin I sinifinə daxil olub. 2007-ci ildən  təhsilini 132-134 nömrəli  Beynəlxalq Təhsil  kompleksində davam etdirib. 2012-ci ildə “Akademik Həsən Əliyev və Azərbaycan təbiəti” mövzusunda Bakı şəhəri məktəblilərinin elmi-praktik konfransında I yerə layiq görülüb. Həmin ilin oktyabrında  N.Gəncəvi adına Milli Azərbaycan Ədəbiyyat Muzeyində  Hüseyn Cavidin 130 illik yubileyinə həsr olunmuş tədbirdə millət vəkili R.B.Hüseynov tərəfindən bədii qiraət üzrə Fəxri Fərmanla təltif edilib. 2014-cü ildə Ümumilli lider H.Əliyevin 91-ci ildönümünə həsr olunmuş XI şagird-tələbə elmi konfransında iştirak edərək Fərqlənmə diplomu ilə təltif olunub. Daha sonra həmin ildə Junior Achievment Azerbaijan’nın “Müvəffəqiyyət bacarıqları” layihəsini uğurla tamamlama sertifikatı ilə bitirib. 2014-cü ildə “Azərbaycan müəllimi” qəzetində “Millət vəkili olmaq istəyirəm” adlı müsahibəsi dərc edilib. 2014-cü ilin mayında H.Əliyev adına Müasir Təhsil Kompleksinin VII İntellekt Olimpiadısında komanda kapitanı olaraq iştirak edərək qalib olub. 2015-ci ildə İqtisad Universitetinin Debat Klubu və 132-134 nömrəli BTK-nın birgə əməkdaşlığı ilə I Daxili Debat Formunun qalibi olub. Həmin ildə Çexiya Respublikasında keçirilən rəsm müsabiqəsində III yerlə təltif edilib.

*

2016-cı ildə 132-134 nömrəli BTK-nı xüsusi nümunəli şəhadətnamə və attestatla bitirib. Həmin ildə UNEC İqtisadiyyat fakültəsinin Dünya iqtisadiyyatı ixtisasına qəbul olunub. 2017-ci ildə I UNEC Science Slam beynəlxalq elm müsabiqəsində fakültə birincisi olaraq finala vəsiqə qazanıb. Final mərhələsində “Gender bərabərliyi” mövzusunda tədqiqatı ilə III yerə layiq görülüb. 2017-ci ilin sentyabrından Tələbə Elmi Cəmiyyətinin Beynəlxalq əlaqələr departamentinin direktoru vəzifəsində fəaliyyət göstərib. Eyni zamanda Science Slam komissiyasının sədri kimi çalışıb. Həmin ilin noyabr ayında TEC tərəfindən keçirilən Kriptovalyuta seminarında iştirak edərək, Tələbə Elmi Cəmiyyəti sədri A.C.Əzimzadə tərəfindən sertifikatla təltif edilib. 2018-ci il mart ayından etibarən UNEC Tələbə Elmi Cəmiyyətinin I sədr müavini vəzifəsinə təyin edilib. 2018-ci ilin aprelində BMU-da Gənc Tədqiqatçıların II Beynəlxalq konfransında iştirak edib, məqaləsi dərc olunub. 2018-ci il iyunun 27-də Macarıstan Respublikasının Budapeşt şəhərində keçiriləcək  “IV İqtisadiyyat və Biznes Beynəlxalq Konfransı”na “Dünya iqtisadiyyatının formalaşma prosesi və beynəlxalq iqtisadi münasibətlərə inteqrasiyası” mövzusunda elmi  məqaləsi qəbul edilib və dərc olunacaqdır.

narmin7b684f4a71dcaab91enarmin22narmin111narmin44