UNEC-də DAAD-in Almaniyada təhsil imkanları haqqında təqdimatı keçirilib
Azərbaycan Dövlət İqtisad Universitetində (UNEC) Alman Akademik Mübadilə Xidmətinin (DAAD) təqdimatı keçirilib.
Təqdimatda DAAD-ın Bakıdakı Məlumat Mərkəzinin rəhbəri xanım Stefani Düfo (Stefanie Dufaux) tələbələrə Almaniyanın ali təhsil müəssisələrində təqaüd və qrant proqramları çərçivəsində təhsil almaq və alman dili üzrə yay məktəblərində iştirak etmək üçün yaradılan imkanlar haqqında geniş məlumat verib.
UNEC-in doktorant və gənc alimləri ilə də görüşən S.Düfo, onlara Almaniyadakı ali təhsil müəssisələrində və elmi-tədqiqat institutlarında tədqiqat aparılması barədə danışıb və müsabiqənin şərtlərini açıqlayıb.
Stefani Düfo bildirib ki, 2016/2017-ci tədris ili üçün magistratura proqramlarına və alman dili üzrə yay məktəblərinə qəbulla bağlı müraciətlər noyabrın 1-dək, tədqiqatçılar üçün isə noyabrın 15-dək davam edəcək.
Qeyd: DAAD-ın Bakıdakı Məlumat Mərkəzinin fəaliyyəti və proqramları haqqında məlumat əldə etmək üçün aşağıdakı internet səhifəsinə müraciət etmək olar: https://www.daad.de/miniwebs/icbaku/az/
UNEC-in beynəlxalq proqramları və layihələri barədə məlumatları https://unec.edu.az/mubadile-proqramlari-11/ linkindən əldə etmək olar.