UNEC əməkdaşları TEMPUS UNİVİA seminarında iştirak ediblər

21 SENTYABR 2016 | OXUNUB:
783

Azərbaycan Dövlət İqtisad Universitetinin (UNEC) koordinatoru olduğu “Beynəlxalq əlaqələr sahəsində universitet idarəçiliyinin inkişaf etdirilməsi və təkmilləşdirilməsi” adlı TEMPUS (UNIVIA) layihəsi çərçivəsində seminar keçirilib. Gəncə Dövlət Universitetinin yenidən qurulan Beynəlxalq Əlaqələr Şöbəsində təşkil edilən iki günlük seminarın əsas mövzusu UNİVİA layihəsinin Avropa tərəfdaşlarından olan İtaliyanın Boloniya Universitetində keçirilən təlimin nəticələrinə həsr olunub.

Təlimdə UNİVİA  layihəsinin  koordinatoru UNEC və Azərbaycan tərəfdaşları Bakı Dövlət Universiteti, Sumqayıt Dövlət Universiteti və Gəncə Dövlət Universitetinin əməkdaşları iştirak edib. Boloniya Universitetində keçirilən təcrübə təlimində iştirak edən tərəfdaş universitetlərin nümayəndələri qazandıqları təcrübə və bilikləri həmkarları ilə bölüşüblər. Tədbirdə həmçinin, layihənin davamlılığı üçün yeni əməkdaşlıq təklifləri irəli sürülüb.

784 1