UNEC müəllimi beynəlxalq konfransda

31 OKTYABR 2017 | OXUNUB:
755

UNEC-in “İqtisadiyyat və işlətmə” kafedrasının müəllimi Araz Aslanlı Türkiyədə keçirilən beynəlxalq elmi tədbirlərdə iştirak edib.

Türkiyənin Uludağ Universitetində təşkil olunan “Dünya Siyasətində Böhranlar və Dəyişikliklər” adlı beynəlxalq konqresdə UNEC müəllimi “Suriya böhranı və Cənubi Qafqaz” mövzusunda məruzə ilə çıxış edib. A.Aslanlı Cənubi Qafqaz ölkələrinin Suriya böhranına dair siyasətləri, xüsusilə Azərbaycanın BMT Təhlükəsizlik Şurasının qeyri-daimi üzvü kimi bu məsələyə yanaşması, Suriyaya humanitar dəstəklə bağlı siyasəti mövzularına toxunub. Eyni zamanda Suriya böhranının Cənubi Qafqaz ölkələrinə təsirindən, xüsusilə də Suriyanı tərk edən erməni ailələrinin bir hissəsinin Ermənistan tərəfindən işğal edilən Azərbaycan ərazilərində yerləşdirilməsi məsələsindən danışıb.

A.Aslanlı Kocaeli Büyükşehir Bələdiyyəsi ilə Kocaeli Universitetinin birgə təşkilatçılığı ilə keçirilən “15 İyul və Dövlət Çevrilişləri” adlı beynəlxalq elmi simpoziumda da iştirak edib. “15 iyul dövlət çevrilişi təşəbbüsü və Azərbaycan” adlı məruzə ilə çıxış edən UNEC-in gənc müəllimi 1918-ci ildən bu günə qədər Azərbaycan tarixindəki müxtəlif çevriliş və çevriliş təşəbbüsləri barədə məlumat verib.

756 1