Fevralın 1-də UNEC-in “Xarici dillər” kafedrasında növbəti elmi-metodoloji seminar keçirilib.
Kafedranın müəllimi Qönçə Kərimova seminarda “Marketinq” mövzusunda təqdimatla çıxış edib. Seminarda mühazirəçi qismində iştirak edən “Marketinq” kafedrasının müəllimi Ramil Cabbarov marketinqin müxtəlif sahələri üzrə təhlillər aparıb. Düzgün marketinqin qurulmasının hər bir şirkətin uğurunun əsasını təşkil etdiyini bildirib. Satışın effektiv təşkili üçün işçilərin məhsulu dərindən bilmələri ilə yanaşı, həm də müştəriləri tanımaq, müştərilərlə işləmək və ünsiyyət bacarığının önəmli olduğunu vurğulayıb.
Seminarda müəllimlərinin mövzu ilə bağlı müxtəlif sualları cavablandırılıb, maraq doğuran məsələlərə aydınlıq gətirilib.
Növbəti elmi-metodoloji seminar fevralın 3-də Aydın Aslanovun təqdimatında keçiriləcək. Seminarda iştirak etmək istəyənlər “Xarici dillər” kafedrası ilə əlaqə saxlaya bilərlər.