UNEC-in Zaqatala filialında turizm və otelçilik ixtisası üzrə təhsil alan tələbələr Şahdağ Turizm Kompleksində olublar.

Səfərin məqsədi tələbələrin təhsil aldıqları ixtisas üzrə nəzəri biliklərlə yanaşı, praktiki bilik və bacarıqlara yiyələnməsidir. Tələbələr Şahdağ Turizm Kompleksində turistlər üçün yaradılan şəraitlə tanış olub, turizm sektorunda xidmətin qurulması, yüksəldilməsi və yarana biləcək problemlərin həlli istiqamətində mütəxəssislər tərəfindən məlumatlandırılıblar.