Dağçılıq idman növü UNEC tələbələrinin marağına səbəb olub
Noyabrın 5-də Azərbaycan Dövlət İqtisad Universitetində (UNEC) Azərbaycan Hava və Ekstremal İdman Növləri Federasiyasının nümayəndələri Tələbə Gənclər Təşkilatının (TGT) üzvləri ilə görüşüb.
Görüşdə tələbələrə federasiyanın tarixi barədə məlumat verilib. Hazırda fərqli qurumlardan yüzlərlə idmançının təmsil olunduğu 59 klubun federasiyaya üzv olduğu bildirilib. Federasiyanın iki dünya kubokunun təşkilatçısı olduğu, idmançılarının onlarla beynəlxalq yarışlarda ölkəmizi təmsil etdiyi barədə ətraflı məlumat verilib.
Federasiyanın klublarla iş üzrə komissiyasının koordinatoru Fərid Mustafayev gənclərə dağçılığın tarixi, dağçılıq düyünləri, düşərgə yerinin seçilməsi, çadır növləri və onların düzgün qurulması, ilk tibbi yardım haqqında danışıb.
Sonda tələbələri maraqlandıran suallar cavablandırılıb.