UNEC birinci olub
MC&S-in media monitorinq qrupu iyun ayı üzrə hesabatını açıqlayıb. Azərbaycan Dövlət İqtisad Universiteti (UNEC) mətbuatda adının çəkilməsinə görə ölkənin aparıcı 10 ali təhsil ocaqları sırasında birinci yerə yüksəlib. İyun ayı ərzində UNEC-in adı mətbuatda 1474 dəfə hallanıb.
Media monitorinqin əhatəsinə daxil olan məlumatlar say, xarakter və məzmun üzrə təhlil olunaraq, sektorlar üzrə media reytinq hesablanıb. Şirkətin media monitorinq qrupu 10 televiziya, 55 çap və 400 on-line media daxil olmaqla 465-dən çox mənbəni izləyir. Şirkət hazırda 20 sektorun, o cümlədən enerji-yanacaq, telekommunikasiya, bank, sığorta, otelçilik və turizm, inşaat, ərzaq, tibb, içki, avtomobil, təhsil və sair sahələrin media monitorinqini aparır.
MC&S-in media monitorinq qrupu hesabatın daha dolğun nəticələrini rəsmi Facebook səhifəsində yerləşdirib.
