“Xarici dillər” kafedrasında elmi-metodoloji seminarlara start verilib
UNEC-in “Xarici dillər” kafedrasında elmi-metodoloji seminarlara start verilib. Seminarların məqsədi ingilis dilinin tədrisi metodikasına elmi yanaşmanı təmin etmək və müasir metodoloji araşdırmaları tədqiq etməkdir.
Yanvarın 17-də keçirilən ilk elmi-metodoloji seminarda kafedranın gənc müəllimi Aysel Xəlilova “Şirkətlər” mövzusu üzrə təqdimatla çıxış edib.
Seminarda mühazirəçi qismində iştirak edən UNEC-in Distant, qiyabi və əlavə təhsil mərkəzinin direktoru, iqtisadçı-ekspert Səbuhi Tanrıverdiyev mövzu üzrə iqtisadi terminləri izah edib. Xarici dil kafedrasının müəllimlərinin iqtisadiyyatla bağlı müxtəlif suallarını cavablandırıb, maraq doğuran məsələlərə aydınlıq gətirib.
Sonda növbəti seminarlara da mövzular üzrə iqtisadçı-ekspertlərin mühazirəçi qismində dəvət edilməsi qərara alınıb.
Növbəti elmi-metodoloji seminar yanvarın 23-də Aynur Mirzəyevanın təqdimatında keçiriləcək. Seminarda iştirak etmək istəyənlər “Xarici dillər” kafedrası ilə əlaqə saxlaya bilərlər.