“I UNEC Science Slam” qalibləri müəyyənləşir – SABAH və Beynəlxalq İqtisadiyyat Məktəbi seçimini etdi
“I UNEC Science Slam” müsabiqəsinin ilk mərhələsi – fakültə seçimləri davam edir.
Mayın 1-də SABAH qrupları və Beynəlxalq İqtisadiyyat Məktəbinin “I UNEC Science Slam” təmsilçiləri müəyyən edilib. Seçim mərhələsində SABAH qruplarının üç fəal tələbəsi məruzə ilə çıxış ediblər. Ceyhun Əliyev “Quantum”, Mahir Kərimli “Antimatter”, İsmayıl Səlimov isə “Large Hadron Collider” mövzularında apardıqları elmi-tədqiqat işindən söz açıblar. Sonda “Science Slam”-ın formatına uyğun olaraq qalib tələbələrin alqışları əsasında müəyyənləşib. Mahir Kərimli 93 DbL nəticə ilə SABAH qruplarını müsabiqənin final mərhələsində təmsil etmək hüququnu əldə edib.
Beynəlxalq İqtisadiyyat Məktəbində isə finala vəsiqə uğrunda dörd tələbə mübarizə aparıb. Aida Həsənova “RSA Encyrption”, Eşqin Cəfərov “Mandella effekti”, Rahilə Məmmədzadə “Lost generation” və Nərgiz Nəsibova “Qazanılan milyonlar” mövzusunda təqdimatla çıxış ediblər.
Alqışların səs diapazonu xüsusi avadanlıq vasitəsilə ölçülərək, Aida Həsənova 93,5 DbL nəticə ilə müsabiqənin qalibi olub. O, “I UNEC Science Slam” müsabiqəsində Beynəlxalq İqtisadiyyat Məktəbini təmsil edəcək.