Azərbaycan Dövlət
İqtİsad Unİversİtetİ

UNEC Rəqəmsal Texnologiyalar Departamentinə aiddir:

UNEC Extern mərkəzi

Təhsil və təlim texnologiyaları şöbəsi

İnformasiya texnologiyalarına dəstək şöbəsi

Şəbəkə texnologiyaları və informasiya təhlükəsizliyi şöbəsi

Tədbirlərin texniki təminatı bölməsi

*

UNEC Extern tədris mərkəzi UNEC rektorunun 12 noyabr 2019-cu il tarixli 994/3/2019 nömrəli əmri ilə yaradılmışdır. UNEC-in Marketinq və kommunikasiya departamentinin Rəqəmsal media bölməsinin müdiri-sayt administratoru Zaur Vaqif oğlu Əziz 14.12.2020-ci il tarixində Mərkəzin direktoru vəzifəsinə təyin edilmişdir.

2021-ci ilin senytabrında Tədrisin keyfiyyətinin qiymətləndirilməsi və idarə edilməsi mərkəzinin Elektron universitet şöbəsinin adı dəyişdirilərək Təhsil və təlim texnologiyaları şöbəsi adlandırılıb. 12.10.2021-ci il tarixdən Təhsil və təlim texnologiyaları şöbəsi Tədrisin keyfiyyətinin qiymətləndirilməsi və idarə edilməsi mərkəzinin tərkibindən çıxarılaraq UNEC Extern tədris mərkəinin strukturuna daxil edilib.

UNEC Extern Mərkəzinin 2018-ci il noyabrın 1-də açılışı olub. Dünyanın aparıcı universitetlərinin təcrübəsi əsasında hazırlanan mərkəzdə 6 tədris studiyası (auditoriya), 12 inzibati və 1 müzakirə otağı var. Tərtibatı və təchizatı ən müasir tələblərə cavab verən bu studiyaların hər birindən eyni anda 1000 tələbəyə yüksək ixtisaslı müəllimlər tərəfindən təhsil vermək imkanı mövcuddur. Hazırkı infrastruktur bu göstəricini artırmağa, 3 və ya 4 növbəli təhsil vermək imkanlarına malikdir.

Mərkəzin dizaynı distant təhsil fəlsəfəsinə uyğun qurulub. Onlayn tədrisin aparılacağı studiyalarda elektron kürsü, xüsusi sensor lövhə, monitor, HD kamera və səs avadanlıqları quraşdırılıb. İstifadə olunan proqram təminatında da tələbə və müəllimlərin rahatlığı tam nəzərə alınıb. Tələbələrin qeydiyyatının, davamiyyətinin, qiymətlən­dirilməsinin və attestasiyasının elektron universitet modeli olan “EDUMAN” proqramı tərəfindən aparılır. Distant təhsilə həm ölkə ərazisindən, həm də xaricdən tələbələr qoşula bilərlər. Studiyalardakı bütün tədris prosesi xüsusi kameralar vasitəsilə çəkilir ki, bu da sonradan tələbələrə istədikləri dərsə yenidən baxmağa imkan verir. Tələbələr istənilən vaxt hər hansı bir dərsi yenidən dinləmək və ya izləmək imkanı qazanırlar. UNEC-in “Elektron universitet” sistemi və “UNEC Exten Tədris mərkəzində yaradılmış müasir standartlara uyğun infrastruktur, distant təhsilin tam əyanidəki kimi aparılmasına imkan verir.

“UNEC Extern” həm də bir sıra kənar təşkilatların müraciətləri əsasında orada çalışan əməkdaşlar üçün onlayn təlimlər, sertifikat proqramları həyata keçirir.

2020-ci ilin mart ayında elan olunan karantin rejimi dövründə ölkədə ilk dəfə olaraq, UNEC-də distant dərslərin tədrisinə başlanılmış və tədrisin fasiləsizliyi təmin olunmuşdur. UNEC-də dərslər nəzərdə tutulan akademik təqvim üzrə UNEC Extern Mərkəzinin texniki bazası əsasında, ölkədə ilk dəfə olaraq distant formada tələbələrin biliyinin qiymətləndirilməsi məqsədilə distant imtahanlar keçirilmişdir.

Mərkəzin təsdiq edilmiş Əsasnaməsinə əsasən aşağıdakı vəzifələri vardır:

• UNEC-də müasir informasiya-kommunikasiya texnologiyalarına əsaslanan distant təhsilalma formasının (bundan sonra mətn üzrə – DTF) tətbiqi, inkişafı və təkmilləşdirilməsi;
• UNEC-də DTF-nin həyata keçirilmə metodlarının işlənib hazırlanması;
• UNEC-də DTF-nın tətbiqi üzrə layihələrinin hazırlanlması, bu layihələrin icrasının, koordinasiyası və monitorinqi;
• UNEC-də DTF-nin tətbiqi ilə həyata keçirilən tədris prosesinin təşkili və idarə olunması;
• DTF proqramlarının məzmununun işlənib hazırlanması, tədrisin təşkili və dəstəklənməsi istiqamətində qabaqcıl təcrübələrin tətbiq edilməsi;
• DTF tənzimləyən normativ-hüquqi sənədlərin təhlil olunması və tətbiqi;
• DTF üzrə marketinq araşdırmalarının həyata keçirilməsi və dinləyicilər dairəsinin müəyyən edilməsi, onların cəlb olunması strategiyasının işlənib hazırlanmasının və həyata keçirilməsinin təşkil edilməsi;
• Mərkəzin fəaliyyəti ilə bağlı UNEC-in digər struktur bölmələri ilə qarşılıqlı əlaqələrin təşkil edilməsi;
• DTF-nin tətbiqi ilə əlaqədar tədris prosesinin təkmilləşdirmə məqsədi ilə təlimlərinin təşkil olunması;
• UNEC-in saytında aidiyyatı məlumatların və metodik vəsaitlərin yerləşdirilməsinin təşkili;
• DTF kursların tədris-metodiki bazasının formalaşdırılması və universitetin hazırlıq istiqamətləri (ixtisaslar) üzrə müvafiq tədris-metodiki materialların UNEC-in müvafiq struktur bölmələri ilə birgə monitorinqinin təşkil olunması;
• Dinləyicilərin peşə fəaliyyətinə hazırlanmasına yönəldilmiş ixtisas artırma və yenidən hazırlanma istiqamətində proqramlarının işlənib hazırlanması və tətbiqinin həyata keçirilməsi;
• DTF layihələrinin texnoloji, təşkilati və analitik təminatının təşkil edilməsi.
• DTF sahəsində qabaqcıl dünya təcrübələrin tətbiqi hesabına təhsilin keyfiyyətinin artmasına və UNEC tərəfindən təqdim olunan təhsil xidmətləri dairəsinin genişlənməsinin təmin edilməsi;
• UNEC-də korporativ təhsil xidmətlərinin təşkil edilməsi;
• Mərkəzin layihələrinin həyata keçirilməsi üçün beynəlxalq distant təhsil platformaları ilə əməkdaşlıq edilməsi;
• Onlayn təhsil məzmununun işlənib hazırlanmasında, qabaqcıl dünya təcrübələrin öyrənilməsi və tətbiq edilməsi.

O cümlədən Mərkəz:

• UNEC-in tərəfdaşları ilə distant təhsil məsələləri üzrə qarşılıqlı əlaqələri təşkil edir;
• Distant təhsil məsələləri üzrə universitetdaxili sənədlərin hazırlanmasını təşkil edir;
• UNEC-in mərkəz, məktəb, filial, kollec və digər struktur bölmələrinin distant təhsil məsələləri üzrə fəaliyyətinin koordinasiyasını həyata keçirir;
• Distant təhsil sahəsində yaradılan intellektual mülkiyyət üzərində UNEC-in müstəsna hüquqlarının təsbit olunmasını təmin edir;
• İnformasiya-telekommunikasiya şəbəkələrindən istifadə olunmaqla distant formada nəzarət və qiymətləndirmə tədbirlərinin həyata keçirilməsini təmin edir;
• Distant kursların statistik məlumatlarının tədqiqat məqsədləri üçün təqdim olunmasını koordinasiya edir və analitik hesabatlar hazırlayır.

*