Qəniyeva İradə Yasin qızı
1977-ci ildə anadan olmuşdur.
1994-cü ildə Bakı şəhərindəki 171 N-li orta məktəbi əla qiymətlərlə bitirib, Azərbaycan Dillər Universitetinin “İngilis filologiyası” fakültəsinə daxil olmuşdur.
1998-ci ildə Azərbaycan Dillər Universitetini ingilis dili ixtisası üzrə bakalavr, 2000-ci ildə isə magistratura pilləsini fərqlənmə diplomları ilə bitirmişdir.
2001, 2002-ci illərdə Azərbaycan Dillər Universitetində ingilis dili müəllimi kimi çalışmışdır.
2003-cü ildən Azərbaycan Dövlət İqtisad Universitetinin “Xarici dillər” kafedrasında ingilis dili müəllimi işləmişdir.
2014-cü ildə UNEC-in “Xarici dillər” kafedrasının baş müəllimi vəzifəsinə təyin olunmuşdur.
İngilis və amerikan təlimçilərinin universitet müəllimləri üçün təşkil etdiyi ixtisasartırma və təkmilləşdirmə kurslarında aktiv iştirak edərək sertifikatlar almışdır. O, öz peşəkarlıq səviyyəsini UNEC-də keçirilən monitorinqlərdə yüksək nəticə göstərməklə təsdiq etmişdir.
2014-cü ildə AMEA-nın Dilçilik İnstitutunun dil nəzəriyyəsi ixtisası üzrə qiyabi doktorantı olmuşdur. Dissertasiya mövzusu ilə bağlı yerli və xarici jurnallarda bir çox elmi məqalələr nəşr etdirmişdir. Azərbaycan Respublikasının Prezidenti Yanında Ali Attestasiya Komissiyasının 04.10.23-cü il tarixli qərarı ilə İradə Yasin qızı Qəniyevaya filologiya elmləri üzrə fəlsəfə doktoru elmi dərəcəsi verilmişdir.
ELMİ ƏSƏRLƏRİNİN SİYAHISI (hiperlinkli)
*
