Azərbaycan Dövlət İqtisad Universitetində (UNEC) 2016/17-ci tədris ilinin qış imtahan sessiyasına hazırlıqlara start verilib. Qış sessiyasında obyektivliyin və şəffaflığın təmin edilməsi məqsədi ilə UNEC-də müxtəlif layihələr həyata keçirilir.
Bu layihələrdən biri də Radio UNEC-in “UNEC imtahan” verilişidir. Sessiya dövründə efirdə olacaq yeni verilişdə tələbələri narahat edən bütün sualların cavabları səsləndiriləcək.
“UNEC imtahan” verilişinin ilk buraxılışı dekabrın 28-də, saat 15:00-da efirə çıxacaq. Verilişdə imtahanlara məsul şəxslər UNEC tələbələrinin suallarını cavablandıracaqlar. Sualları press@unec.edu.az ünvanına göndərə bilərsiniz.
Radio UNEC-i dinləmək üçün: http://radio.unec.edu.az/