UNEC tələbələri “Paşa Həyat Sığorta”nın təcrübə proqramlarından yararlanacaqlar

20 NOYABR 2015 | VIEWS:
3536

Noyabrın 20-də Azərbaycan Dövlət İqtisad Universitetnini (UNEC) müəllim və tələbələrinin istəyi ilə yenidən “Paşa Həyat Sığorta” ASC-yə tanışlıq turu təşkil olunub.

Şirkətin rəhbərliyi UNEC nümayəndələrinə karyera imkanları barədə geniş məlumat verib. Təcrübə proqramları, təlim və seminarları haqqında danışıb. Bildirib ki, UNEC tələbələri şirkətin ödənişsiz təlimlərində iştirak edə və təcrübə proqramlarından yararlana bilərlər. Daha sonra nümayəndə heyəti sığorta sistemi ilə tanış olublar, şirkətin mühasibatlıq, marketinq şöbələrinin işi ilə maraqlanıblar.

Tədbirin sonunda müəllim və tələbələri maraqlandıran suallar cavablandırılıb və onlara şirkətin xüsusi hədiyyələri təqdim edilib.

UNEC-də analoji turların təşkili tədris ilinin sonuna kimi davam etdiriləcək. Bu müddət ərzində müəllim-tələbə heyətinə digər nüfuzlu şirkətlərlə yaxından tanış olmaq imkanı yaradılacaq.

3537 1