TƏLƏBƏ ELMİ CƏMİYYƏTİ
Tələbə təşkilatları
*
Tələbə Elmi Cəmiyyətinin sədri
Gülşən Elşən qızı Yusifova
Əlaqə telefonu:
+(994) 12 497-58-71
*
TEC-in xəbərləri UNEC NEWS-da
TEC xəbərləri unec.edu.az-da
TEC haqqında ümumi məlumat
*
Azərbaycan Dövlət İqtisad Universitetinin Tələbə Elmi Cəmiyyəti tələbələrin elmi-tədqiqat və elmi-praktiki işinin təşkili və koordinasiyası üçün yaradılmış və öz fəaliyyətini alim və müəllimlərin iştirakı ilə həyata keçirən tələbə birliyidir. 2016-2017-cı illərdə TEC-in sədri Əvəzağa Məlikov, 2017-2018-ci illərdə Aslan Əzimzadə, 2018-2019-cu illərdə Nərmin Heydərova, daha sonra Ramiz Şükürov, Amil Veysəlov, Nəzrin İbrahimli, Hüseyn Hüseynov, Jalə Teymurlu olublar. Hazırda cəmiyyətin sədri Gülşən Yusifovadır.
TEC öz qarşısında kompleks vəzifələr qoyur:
- Tədqiqat işinin əsasının formalaşması və tələbələrin elmi idrak metoduna yiyələnməsi;
- Tələbələrin tədris materialını dərin və yaradıcı şəkildə mənimsəmələrinə yardım göstərilməsi;
- Elmin və praktikanın vəhdəti prinsipinə uyğun olaraq tələbələr arasında elmi yaradıcılığın müxtəlif formalarının təbliğ edilməsi, yeni biliklərin yaranmasının əsası kimi fundamental tədqiqatlara marağın inkişaf etdirilməsi;
- Elmi və praktik işə ən çox istedadı və bacarığı olan tələbələrin aşkar edilməsi;
- tələbələrin elmi və praktik tədbirlərin (konkurs, olimpiada, seminar, konfrans, mühazirə, treninqlərin və s.) keçirilməsi və onlarda iştirak etmək imkanı haqda məlumatlandırılması;
- tələbələrin, professor-müəllim heyətinin, elmi işçilərin, biznesin nümayəndələrinin, hakimiyyətin və ictimai birliklərin iştirakı ilə seminar, dəyirmi masa, konfrans, forumların və elmi və praktik xarakterli digər tədbirlərin təşkili və keçirilməsi;
Tələbə Elmi Cəmiyyətinin yaradılmasında həm tələbələrin təşəbbüsü, onların fəal vətəndaş mövqeyi və elmə marağı, həm də bu cür tələbə birliyinin fəaliyyəti üçün bütün lazımi şəraiti yaradan universitet rəhbərliyi əhəmiyyətli rol oynamışdır. Məhz bu maraqlar balansı, bir növ simbioz şəklində, onun mütəşəkkil inkişafına kömək edən başlıca amillərdən biridir.
TEC öz fəaliyyətini aşağıdakı formalarda həyata keçirir:
- TEC-in iclası və qarşıdakı elmi tədbirlər haqqında xəbər verilməsi;
- Dövlət, ictimai və beynəlxalq təşkilatlarla, elm nümayəndələri ilə əməkdaşlıq;
- Fənn olimpiadaları;
- İqtisadiyyatın ayrı-ayrı bölmələri üzrə intellektual və işgüzar oyunlar;
- Treninqlər və seminarlar;
- Elmi mövzular üzrə diskussiyalar və cəmiyyətin aktual inkişaf məsələlərinin müzakirəsi;
- Elmi konfransların, simpoziumların, dəyirmi masaların, işgüzar oyunların keçirilməsi.
*
UNEC Tələbə Elmi Cəmiyyətinin strukturu:
-Tələbə Elmi Cəmiyyətinin sədri
-Tələbə Elmi Cəmiyyətinin sədr müavini
-Tələbə Elmi Cəmiyyətinin fakültələr üzrə sədrləri
-Tələbə Elmi Cəmiyyətinin departament direktorları
-Tələbə Elmi Cəmiyyətinin katibi
-Tələbə Elmi Cəmiyyətinin kafedra elmi-dərnəkləri üzrə koordinatoru
Departamentlər:
1. İnformasiya texnologiyaları departamenti
İnformasiya texnologiyaları departamenti tələbələr üçün İT sahəsində müxtəlif təlimləri təşkil edir, TEC-nin sosial şəbəkələrdə səhifələrinə nəzarəti təmin edir.
2. Beynəlxalq əlaqələr departamenti
Beynəlxalq əlaqələr departamenti tələbələrin xarici konfranslarda, seminarlarda, liderlik məktəblərində və forumlarda iştirakını təmin edir.
3. Layihələr departamenti
Layihələr departamenti tələbələrin layihələrinin həyata keçirilməsini, elmi-tədqiqat işlərinin düzgün aparılmasını təmin edir.
4. İctimaiyyətlə əlaqələr departamenti
İctimaiyyətlə əlaqələr departamenti KİV-lə əlaqə qurur, keçirilmiş tədbirlər haqqında materialları TEC səhifəsində yerləşdirir və tələbə konfranslarının materiallarının çap olunmasını təmin edir.
5. İnsan resursları departamenti
İnsan resursları departamenti tələbələrin keçirilən layihələrə, tədbirlərə,treninqlərə, elmi seminarlara cəlb olunmasını təmin edir.
6. Təlim departamenti
Təlim departamenti tələbələrin asudə vaxtlarından düzgün istifadə etməsi məqsədi ilə onların və Tələbə Elmi Cəmiyyəti İdarə heyətinin maraq dairələrinə uyğun olaraq onlara faydalı təlimlər təşkil edir.
Hazırda UNEC TEC-in sədri Gülşən Yusifovadır.
Gülşən Yusifova 7 may 2004 cü ildə Rusiya Federasiyasının Moskva şəhərində anadan olub. 2011-ci ildə RF МБОУ Захаровская СОШ – birinci sinifə gedib, daha sonra təhsilini Azərbaycanda Naftalan şəhəri S.Vurğun adına 2 nömrəli tam orta məktəbdə davam etdirib. 2022-ci ildə UNEC-in Rus İqtisad Məktəb fakültəsinin İqtisadiyyat ixtisasına qəbul olunub. 2023-cü ilin may ayında RİM Rəqəmsal Könüllülər Təşkilatına sədr müavini olaraq fəaliyyətə başlayıb, 2023-cü ilin oktyabr ayında Rəqəmsal Könüllülər Təşkilatının Beynəlxalq Əməkdaşlıq departamentinə sədr seçilib. 2024-cü ildən UNEC Tələbə Elmi Cəmiyyətinin sədridir. UNEC Elmi Şurasının üzvüdür.