tex.e.n. Hüseynov Aydın Fridun oğlu
1945-ci ildə Bakı şəhərində mühəndis ailəsində anadan olub.
1962-ci ildə Bakı şəhəri 160 saylı orta məktəbi gümüş medalla bitirdikdən sonra təhsilini Moskva şəhərində davam etdirib. 1968-ci ildə Moskva Fizika və Texnologiya İnstitutunun aerofizika və tətbiqi riyaziyyat fakültəsini bitirib. Təyinatla Azərbaycan Elmlər Akademiyası Kibernetika İnstitutunda çalışıb və sonra Moskva Energetika institunun məqsədli aspiranturasına qəbul olunub. 1974-ci ildə texniki elmlər namizədi dərəcəsini alıb. Dissertasiya mövzusu “Enerji sistemlərinin kibernetik modelləşdirilməsi” olub. Daha sonralar bir sıra tədqiqat institutlarında elmi-tədqiqat işləri ilə məşğul olub – Energetika institutunda, ADU-nun Elmi Tədqiqat Hesablama Mərkəzində, Ümumittifaq Elmi-Tədqiqat Geofizika İnstitutunun Cənub bölməsində, ardıcıl olaraq kiçik elmi işçi, baş elmi işçi, laboratoriya müdiri, şöbə müdiri və Mərkəzin rəhbəri vəzifələrində çalışıb.
1980-ci ildə ADU-da tətbiqi riyaziyyat kafedrasında dərs deməyə başlayıb və 1984-ci ildən Azərbaycan Xalq Təsərrüfatı İnstitutu, indiki Azərbaycan Dövlət İqtisad Universitetinin İqtisadi İnformatika və АİS kafedrasında baş müəllim vəzifəsinə seçilib.
1990-cı ildə həmin kafedrada dosent adını alıb, 1988-1990-cı illərdə kafedraya rəhbərlik edib.
UNEC-da əsas işlə yanaşı 1992-ci ildən özəl Xəzər Universiteti yarandığı gündən bu universitetlə əməkdaşlıq edib və ingilis dilində komputer kurslarının tədrisini həyata keçirib.
1994-1996-cı illərdə (müqavilə ilə) Təbriz Universitetinin (İran) riyaziyyat kafedrasına dosent vəzifəsinə dəvət olunub. Orada magistrantlara dinamik proqramlaşdırmanın tətbiqi kursunu tədris edib, elmi-tədqiqat və magistr hazırlığını həyata keçirib. Tədqiqatlarımın nəticələri bir çox elmi konfranslarda təqdim edibr. 1996-1997 ci illərdə əldə edilmiş qrant əsasında Ankarada (Türkiyə) Yaxın Doğu Texniki Universitetində professor vəzifəsində 9 ay ərzində tədqiqatlar aparıb və yuxarı kurs tələbələrinə dərs deyib. 1999-2001-ci ildə özəl Girne Amerika Universitetinə (Şimali Kipr) dəvət alıb və həmin ali məktəbdə professor vəzifəsində çalışıb. 2001-2005-ci illərdə Ankarada özəl Başkent Universitetinin komputer elmləri kafedrasında professor vəzifəsində işləyib.
2005-ci ildə Azərbaycana qayıtdıqdan sonra UNEC-in “İnformatika” kafedrasında fəaliyyətimi davam etdirib və bununla yanaşı Qafqaz Universiteti ilə əməkdaşlıq edib. 2008-ci ildən (hazırkı vaxta qədər) Avropa İttifaqı monitorinq proqramlarının Azərbaycandakı ekpertidir və 30-dan çox Avropa proqramlarının qiymətlədirilməsini həyata keçirib. 2009-cu ildə alternativ enerji mənbələri üzrə birgə tədqiqat işləri aparmaq üçün Maqdeburq (Almaniya) universitetindən dəvət alıb və orada çalışıb. 2010-cu ildən tədris fəaliyyətinə son qoyduqdan sonra UNEC-də İqtisadi Araşdırmalar Elmi-tədqiqatlar İnstitutunda “İKT və İnnovasiya İqtisadiyyatı” şöbəsinin müdiri vəzifəsində işləyir.
Rabitə və Yüksək Texnologiyalar Nazirliyi və Minilliyin Layihəsinin Azərbaycan filialı ilə sıx əməkdaşlıq nəticəsində həyata keçirilmiş “Azərbaycanın Gələcək Durumun İndeksi – SOFI 2011” layihənin koordinatoru olub və bu layihə 2012-ci ilin 6-9 noyabr ayında BakuTel – 2012 sərgisində Respublikamızın Prezidenti Cənab İlham Heydər oğlu Əliyevə təqdim edilib. Hal-hazırda Rabitə və Yüksək Texnologiyalar Nazirliyi ilə əməkdaşlığı davam etdirir, Azərbaycanda Elektron Hökuməti xidmətlərinin təkmilləşdırılması layihəsini həyata keçirir və RYTN-nın tabeliyində İnformasiya Texnologiyalarının İnkişafı Dövlət Fondunun eksperti kimi işə başlayıb.
2018-ci ilə kimi UNEC-in Texnologiya Transfer Mərkəzinin direktoru olub.
*
UNEC alimi beynəlxalq konfransda Azərbaycanı təmsil edib (12.04.2018)
UNEC alimlərinin layihəsi qrant müsabiqəsinin qalibi olub (08.11.2017)