Rusiya Federasiyasının “Elmi Əməkdaşlıq” Beynəlxalq Tədqiqat Mərkəzi təhsil və elm sahəsi üzrə elmi nəşrlərin beynəlxalq müsabiqəsini keçirib.

İqtisadiyyat və təhsil nominasiyaları üzrə keçirilən müsabiqəyə Rusiya Federasıyasının, Azərbaycan, Belarus, Qazaxıstan respublikalarından 130 alimin elmi məqaləsi təqdim olunub.

UNEC-in “Maliyyə və maliyyə institutları” kafedrasının professoru Elnur Sadıqovun müsabiqəyə təqdim etdiyi “Müasir dövrdə Azərbaycanın maliyyə bazarının inkişafında bankların rolu” mövzusunda elmi məqaləsi birinci yerə layiq görülüb. UNEC aliminin mükafatlandırması Rusiya indeksləri elmi istinadları nəzərə alınmaqla impact faktorlu jurnallardakı nəşrlər nominasiyası üzrə qiymətləndirilib.