“UNEC-i tanı” layihəsi abituriyentlərə ixtisas seçimində dəstək olmağa davam edir
UNEC-i abituriyentlərə daha yaxından tanıtmaq və ixtisas seçimində onlara dəstək olmaq məqsədilə “UNEC-i tanı” layihəsinə yenidən start verilib.
Layihə çərçivəsində abituriyentlərə UNEC-də tədris olunan ixtisaslar, fakültələr, keçid balları, təhsil haqları barədə ətraflı məlumat veriləcək. Eyni zamanda onlara ixtisas seçimi, seçmək istədikləri ixtisasın üstünlükləri və gələcək karyera imkanları istiqamətində dəstək göstəriləcək.
II, III və IV ixtisas qrupu üzrə hazırlaşan abituriyentlər hər həftənin çərşənbə axşamı saat 10:00-17:00-dək UNEC-in əsas tədris binasında (İstiqaliyyət, 6), I və V ixtisas qrupu üzrə hazırlaşan abituriyentlər isə hər həftənin cümə axşamı, saat 10:00-17:00-dək UNEC-in 3-cü tədris binasında (Murtuza Muxtarov, 194) “Abituriyent məlumat mərkəzinə” yaxınlasa bilərlər.
Regionlarda yaşayan və UNEC-ə gəlmək imkanı olmayan abituriyentlər isə UNEC-in rəsmi Facebook (https://www.facebook.com/unecedu) səhifəsinə, eləcə də 1846 Qaynar xəttinə onları maraqlandıran suallarla müraciət edə bilərlər.
Xatırladaq ki, UNEC-ə I, II, III, IV və V ixtisas qruplarında 22 ixtisas üzrə bakalavr qəbulu həyata keçirilir.
*
https://news.unec.edu.az/rubrika/10102-unec-i-tani/7653-bold-red-unec-i-tani-layihesi-abituriyentlere-ixtisas-sechiminde-destek-olmaga-davam-edir-bold-red