tahlil_camila_fotoi.e.d., prof. Namazova Cəmilə Bayraməli qızı

1961-ci ildə anadan olub.

1979-cu ildə Bakı şəhəri 39 nömrəli orta məktəbi əla  qiymətlərlə bitirib.

1979-cu ildə D.Bünyadzadə adına Azərbaycan Xalq Təsərrüfatı İnstitutunun  (indiki Azərbaycan Dövlət İqtisad Universiteti) Uçot-İqtisad fakültəsinə qəbul olub və 1983-cü ildə həmin institutu əla qiymətlərlə bitirərək fərqlənmə diplomuna layiq görülüb. 1983-cü ildə Azərbaycan Xalq Təsərrüfatı İnstitutunun aspiranturasına qəbul olub, 1986-cı ildə aspiranturanı bitirib.

1987-ci ildə M.V.Lomonosov adına Moskva Dövlət Universitetinin nəzdində fəaliyyət göstərən Dissertasiya Müdafiə Şurasında namizədlik dissertasiya işini müdafiə edərək 08.00.12 “Mühasibat uçotu və təsərrüfat fəaliyyətinin təhlili” ixtisası üzrə iqtisad elmləri namizədi dərəcəsi alıb.

1987-ci ildən başlayaraq Azərbaycan Dövlət İqtisad Universitetinin “İqtisadi təhlil” (indiki “İqtisadi təhlil və audit”) kafedrasında müəllim, baş müəllim və dosent vəzifələrində çalışıb.

 

 

 

 

 

2006-2011-ci illərdə “İqtisadi təhlil və audit” kafedrasının müdiri vəzifəsində işləmişdir.

2011-ci ildə İqtisad Universitetinin nəzdində fəaliyyət göstərən Dissertasiya Müdafiə Şurasında doktorluq dissertasiya işini müdafiə edərək 08.00.10 “Maliyyə, pul tədavülü və kredit”; 08.00.12 “Mühasibat uçotu, statistika” ixtisasları üzrə iqtisad elmləri doktoru alimlik dərəcəsi elmi ada layiq görülüb, Azərbaycan Respublikasının Prezidenti yanında Ali Attestasiya Komissiyası tərəfindən təsdiq olunub.

Hazırda UNEC-in “Mühasibat uçotu və audit” kafedrasının professorudur.

100-dən artıq elmi əsərin, o cümlədən 8 metodik göstərişin, 6 tədris proqramının, 3 monoqrafiya, 4 dərs vəsaiti və 4 dərsliyin müəllifidir. 10-dan artıq elmi əsəri xarici ölkələrdə nəşr edilib. Beynəlxalq Konfranslarda elmi məruzələri dinlənilib, məqalələr toplusunda tezisləri çap olunub.

camila_9168