Nobel mükafatçısı UNEC-də keçiriləcək konfransda məruzə edəcək

07 İYUN 2017 | OXUNUB:
946

İyunun 14-də UNEC-də nüfuzlu beynəlxalq elmi-praktik konfrans keçiriləcək.

Azərbaycan Respublikası Təhsil Nazirliyinin dəstəyi, UNEC, Clarivate Analytics (Thomson Reuters), Beynəlxalq Elmi və Texniki İnformasiya Mərkəzinin təşkilatçılığı ilə keçiriləcək beynəlxalq elmi-praktik konfrans “Universitetlərdə elmi fəaliyyətin müasir idarəetmə modeli” mövzusuna həsr olunacaq.

Respublikanın tanınmış elm və təhsil mərkəzlərinin rəhbərlərinin qatıldığı konfransda Nobel mükafatçısı Aziz Sancar da iştirak edəcək. Eyni zamanda, Almaniya, Fransa, Türkiyə, Rusiya, Litva, Qazaxıstan, Gürcüstan, Moldova, Belarus və digər ölkələrin nüfuzlu ali təhsil müəssislərinin rəhbərləri, elm adamları, tədqiqatçıları da qatılacaq.

Dünyanın nüfuzlu alimlərinin toplaşdığı elmi platformada elm və təhsilin problemləri, perspektivləri, universitetlərdə elmmetriyanın tətbiqi, elmin iqtisadiyyatı və maliyyələşdirilməsi, əqli mülkiyyət hüquqlarının və elmi etikanın qorunması ilə bağlı müzakirələr aparılacaq.

Konfrans çərçivəsində iyunun 13-də UNEC-də “Web Of Science” Sertifikasiya Proqramı üzrə seminar-treninq və “Web of Science bazasından istifadə və əməliyyat aparma qaydaları”na həsr olunan təlim təşkil ediləcək. Konfransda “Elmmetrik: Elm və texnoloji inkişaf” adlı kitabın təqdimatı keçiriləcək.

“WEB OF SCIENCE” sertifikasiya proqramı üzrə təlim elanı

 

947 5