“UNEC istedadları” – rəssam tələbə

29 SENTYABR 2017 | OXUNUB:
1113

Xüsusi bacarığı ilə fərqlənən tələbələrimizi tanıtmaq məqsədi ilə “UNEC istedadları” layihəsinə başlayırıq. Layihənin ilk qəhrəmanı IV kurs tələbəsi Azad İsmayılzadədir.

Azad 1997-ci il iyulun 24-də dünyaya gəlib. UNEC-in İqtisadiyyat fakültəsində dünya iqtisadiyyatı ixtisası üzrə təhsil alır. Gələcəkdə ixtisası üzrə çalışmaq istəyən UNEC tələbəsi magistr təhsilini Türkiyənin Ege Universitetində almağı planlaşdırır. Azad təsviri incəsənətə məktəb yaşlarından həvəs göstərsə də, III kursdan bu bacarığını daha da inkişaf etdirmək, biliklərini təkmilləşdirmək məqsədi ilə rəssamlıqla daha da peşəkar səviyyədə məşğul olmağa başlayıb. Rəssamlığın əsasən portret və “wall art” janrında çalışan UNEC tələbəsi bu işə həm hobbi, həm də əlavə gəlir mənbəyi kimi baxır.

UNEC-in rəssam tələbəsinin qara qələmlə çəkdiyi əl işləri tələbələrin rəsm sərgilərində maraqla qarşılanıb, sosial şəbəkələrdə populyarlıq qazanıb. Bunu nəzərə alıb, onun əsərlərindən bir neçəsini təqdim edirik.

1114 2