Azərbaycan Dövlət
İqtİsad Unİversİtetİ

b.f.d., b/ m.  Musayeva Vüsalə Hacı
[email protected]

Akademik profillər: 

Google Scholar, Research Gate, ORCİD, Publons

 Dil bilikləri:  Azərbaycan, Rus, Türk

14 iyun  1975-ci ildə Tərtər  rayonunda  anadan  olmuşdur.

1992-ci ildə  Tərtər rayon  1 saylı  orta  məktəbi gümüş  medalla bitirmişdir. 1993-1997-ci illərdə Bakı Əmtəəşünaslıq Kommersiya İnstitutunun “Qeyri-ərzaq malları əmtəəşünaslığı” ixtisası üzrə bakalavr, 1997-1999-cu illərdə isə   həmin institutun  eyniadlı ixtisası üzrə magistr səviyyəsində təhsil alaraq  fərqlənmə diplomları ilə bitirmişdir.

V.H.Musayeva 1999-cu ildə Bakı Əmtəəşünaslıq Kommersiya İnstitutunun “Qeyri-ərzaq mallarının əmtəəşünaslığı” kafedrasında baş laborant kimi əmək fəaliyyətinə başlamışdır.    2000-ci ildən saathesabı dərs aparmışdır . 2001-ci ildə Azərbaycan Dövlət İqtisad Universitetinin “İstehlak mallarının ekspertizası” kafedrasının assistenti, 2003-cü ildən baş müəllim vəzifəsində çalışmış, 2020-ci ildən  isə “Mühəndislik və tətbiqi elmlər “ kafedrasının  baş müəllimidir.

2014-ci ildən AMEA-nın  Mikrobiologiya İnstitutunun dissertantı  olmuş, dissertasiya  işini müvəffəqiyyətlə müdafiə edərək Azərbaycan Respublikasının Prezidenti yanında Ali Attestasiya Komissiyasının 24 noyabr 2022-ci il tarixli qərarı ilə biologiya elmləri üzrə fəlsəfə doktoru elmi dərəcəsi almışdır.

Ölkəmizdə və xaricdə nüfuzlu elmi-praktik jurnallarda dərc edilmiş 60-a yaxın  elmi və metodik əsərin (tezislər, məqalələr, tipik  proqram,  2 dərslik)  müəllif və həmmüəllifidir

Azərbaycan Dövlət İqtisad Universitetində (UNEC)  tədrisin keyfiyyətinin yüksəldilməsi, onun təşkili prosesində mövcud problemlərin müəyyən edilməsi üçün “keyfiyyət elçisi” vəzifəsinə seçilmişdi.

2018-ci ildə Unec tərəfindən Türkiyənin Uludağ Universitetinə ezam olunaraq təcrübə mübadiləsində iştirak etmişdi.

Özünüinkişaf istiqamətində çoxlu sayda təlim, seminar və kurslara qatılaraq  40-a yaxın sertifikat, fəxri fərman və təşəkkürnaməyə layiq görülmüşdü.

Türkiyənin nüfuzlu universitetləri, o cümlədən Yıldız Teknik Universiteti , Qazi Universiteti və UNEC tərəfindən Materiallar  mühəndisliyi ixtisasının fənləri üzrə təşkil olunan 14 təlimdə uğurla iştirak etmişdir, 2021-2023

NEC-in 90 illik yubileyi münasibətilə yüksək ixtisaslı mütəxəssislərin hazırlanmasındakı xidmətlərinə görə  UNEC rektorunun  Fəxri Fərmanı ilə  təltif olunmuşdur.

Mühəndislik fakültəsinin Elmi Şurasının elmi katibidir.

BMDM-in  060644 “İstehlak mallarının ekspertizası və marketinqi” ixtisası üzrə yaradılmış  magistr dissertasiyalarının müdafiəsi şurasının elmi katibidir.

Mühəndislik fakültəsi üzrə YAP koordinatorudur.

Ailəlidir, bir övladı var.

*

Türkiyə təcrübəsi Radio UNEC-də – gənc müəllimlər danışır (26.02.2018)
UNEC tələbələri müasir istehsal texnologiyaları ilə tanış olublar (23.11.2016)
ADNSU və UNEC tələbələri Azərbaycan gənclərinin müasir problemlərini müzakirə ediblər (19.11.2016)