Rusiyanın tanınmış alimləri UNEC-də mühazirə oxuyub
Rusiyanın Milli Tədqiqat Universiteti Ali İqtisad Məktəbinin (AİM) professorları- Sirotin Vyaçeslav Pavloviç və Arxipova Marina Yuryevna Azərbaycan Dövlət İqtisad Universitetinin (UNEC) Rus İqtisadiyyat Məktəbində mühazirə oxuyublar. “Sosial-iqtisadi tədqiqatlarda obyektlərin təsnifat problemləri” mövzusunda mühazirə məktəbin professor-müəllim heyəti və tələbələri tərəfindən maraqla qarşılanıb.
Ali İqtisad Məktəbinin tanınmış alimləri sualları cavablandırıb.
Rus İqtisadiyyat Məktəbinin direktoru dos. Mənsur Bərxudarov qonaqlara UNEC-də həyata keçirilən yeniliklər, o cümlədən Rus İqtisadiyyat Məktəbi haqda məlumat verib. Görüşdə gələcək əməkdaşlıq imkanları ətrafında fikir mübadiləsi aparılıb.
Rusiyalı alimlərin uiversitetə səfəri Ali İqtisad Məktəbi (AİM) ilə UNEC arasında əməkdaşlıq çərçivəsində baş tutub.