UNEC-in Montpellier Universiteti ilə ikili diplom proqramının 4-cü məzunlarına diplomları təqdim edildi

06 AVQUST 2021 | VIEWS:
443

UNEC-in Fransanın Montpellier Universiteti ilə ikili diplom proqramının məzunlarına diplomların təqdimolunması mərasimi keçirilib.

Məzunlarla görüşən UNEC rektoru professor Ədalət Muradov onları təbrik edərək, hər iki universitetdə qazandıqları bilik və bacarıqlarların onların gələcək fəaliyyətlərində və karyeralarında faydalı olacağından əminliyini ifadə edib. Rektor bu il Montpellier Universitetinin ikili diplom proqramından 18 tələbənin məzun olduğunu, ümumilikdə isə 2018-ci ildən start verilən proqramda 46 tələbənin uğurla iştirak etdiyini bildirib. Xarici universitetlərdə tətbiq olunan yeniliklərin və bebəlxalq təcrübənin ölkəmizə gətirilməsində bu gənclərin önəmli rol oynaya biləcəklərini diqqətə çatdırıb.

UNEC-in xarici ölkələrin aparıcı universitetləri ilə bakalavr və magistr təhsili üzrə 8 ikili diplom proqramı reallaşdırdığını deyən rektor, qısa zamanda iki yeni ikili diplom proqramına start veriləcəyini və proqramların sayının daha da artırılacağını bildirib.

Sonra məzunlar UNEC ilə Monpelye universitetindəki təhsilin oxşar və fərqli tərəflərindən danışıblar, hər iki universitetin tədris prosesi, biliyin qiymətləndirilməsi, müəllim-tələbə münasibəti, akademik mühit barədə fikilərini bölüşüblər.

Çıxışlardan sonra məzunlara Montpellier Universitetinin diplomları təqdim olunub.

https://news.unec.edu.az/xeber/7722-red-unec-in-montpellier-universiteti-ile-ikili-diplom-programinin-4-cu-mezunlarina-diplomlari-tegdim-edildi-red

444 1