UNEC müəllimi Kembric Universitetində

20 İYUL 2016 | VIEWS:
4624

Azərbaycan Dövlət İqtisad Universitetinin (UNEC) Beynəlxalq İqtisadiyyat kafedrasının müəllimi Təhmasib Əlizadə Böyük Britaniyanın Kembric Universitetində keçirilən “Kembric İqtisad Jurnalının 40 illiyi” konfransında iştirak edib.

Dünyanın ən qədim universitetlərindən biri olan və dünya universitetlərinin reytinqində ilk beşlikdə yer alan Kembric Universitetinin “Kembric Siyasi İqtisad Birliyinin” təşkil etdiyi konfrans iki gün davam edib. Konfransda dünyanın bir çox ölkəsindən iqtisadçılar və elm adamları təqdimatlarla çıxış edib, müzakirələrə qatılıblar. Konfrans üç panel üzrə təşkil olunub. Hər panel üzrə ayrıca və ümumilikdə müzakirələr təşkil edilib. Kembric Universitetinin professorlarının da qatıldığı müzakirələrdə UNEC təmsilçisi Təhmasib Əlizadə iqtisadi təhsilin mövcud durumu və gələcək inkişafı barədə fikir mübadiləsi aparıb.

*
Konfransda iqtisad elminin gələcək inkişafı, iqtisadi artım və iqtisadi yüksəlişlə bağlı müxtəlif fikirlər səsləndirilib, təhlillər edilib.

4625 1