i.e.d., prof. Manafov Qabil Nadir oğlu
e-mail: [email protected]
1952-ci ildə Bakı şəhərində anadan olub.
1974-cü ildə D.Bünyadzadə ad. Azərbaycan Xalq Təsərrüfatı İnstitutunu (indiki UNEC) Siyasi iqtisad ixtisası üzrə bitirib. İnstitutu bitirdikdən sonra Dövlət Plan Komitəsi nəzdində olan Elmi-Tədqiqat İnstitutunda iqtisadçı vəzifəsində işləyib.
1975-ci ildə ordu sıralarında xidmət edib.
1976-cı ildə Elmlər Akademiyasının İqtisadiyyat İnstitutunda «Siyasi iqtisad» ixtisası üzrə əyani aspiranturaya daxil olub. Aspiranturada təhsil müddəti başa çatdıqdan sonra 1980-1982-ci illərdə Azərbaycan Dövlət Pedaqoji İnstitutunun «Siyasi iqtisad» kafedrasında laborant işləmişdir.
1982-ci ilin dekabrından Azərbaycan Xalq Təsərrüfatı İnstitutunun (indiki Azərbaycan Dövlət İqtisad Universiteti) «İqtisadi nəzəriyyə» kafedrasında baş laborant, müəllim, baş müəllim, dosent vəzifələrində çalışıb.
1982-ci ildə «Siyasi iqtisad» (indiki «İqtisadi nəzəriyyə») ixtisası üzrə namizədlik, 2003-cü ildə doktorluq dissertasiyasını müdafiə edib. 90-dan çox elmi əsərin müəllifidir. 2004-2007-ci illərdə AR Prezidenti yanında Ali Attestasiya Komissiyanın «İqtisadiyyat və hüquq elmləri üzrə» Ekspert Şurasının üzvü olub.
2009-2014-cü illərdə «Kommersiya» fakültəsinin dekanı olub.
2014-cü ilin aprelindən 2022-ci ilin sentyabrına kimi UNEC-in Magistratura Mərkəzinin direktoru vəzifəsində çalışıb.
UNEC-in Dissertasiya Şurası nəzdində fəaliyyət göstərən Daimi Elmi Seminarın sədridir, həmin dissertasiya Şurasının üzvüdür. Azərbaycan Milli Ensiklopediyasının məsləhətçisidir.
AR Prezidentinin 26 sentyabr 2011-ci il Sərəncamına əsasən Azərbaycanda təhsilin inkişafındakı xidmətlərinə görə Əməkdar Müəllim fəxri adı verilib.
Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Tərəqqi” medalı ilə təltif edilib.
Evlidir, iki övladı var.
ELMİ ƏSƏRLƏRİN SİYAHISI
prof. Q.Manafov UNEC NEWS-da
UNEC magistrləri müzakirə edir: “İnformasiya sistemlərinin və texnologiyalarının müasir problemləri” (13.04.2018)
UNEC-də elmi tədqiqat işlərinin perspektivləri müzakirə edilib (10.03.2017)
UNEC-in Magistratura Mərkəzi: prioritetlər, hədəflər (“Azərbaycan müəllimi” – 16.05.2016)
“İqtisad Universitetində magistraturanın keyfiyyət göstəriciləri artır” – MÜSAHİBƏ (08.07.2015)
*
UNEC-in yeni layihələri İTV-nin canlı efirində müzakirə edilib – VİDEO (27.10.2016)