Azərbaycan Dövlət
İqtİsad Unİversİtetİ

Mərkəz haqqında

1969-cu  ildə əsası qoyulmuş Azərbaycan Dövlət  İqtisad Universitetinin  (UNEC) Tədris, İdman  və İstirahət Mərkəzi ölkəmizin dilbər guşələrindən biri olan  Quba  rayonunun  II  Nügədi  kəndində, füsunkar və gözəl təbiətə malik  bir ərazidə yerləşir. Mərkəz  altı hektardan artıq bir ərazini  əhatə edir. Mərkəzin böyük  bir hissəsini  çeşidli meyvələrlə  zəngin meyvə bağı  təşkil edirsə, digər tərəfdən  dağ  yamacında  yerləşən yaşıl  meşə zolağı  göz oxşayır. İstər istəməz  bu mənzərə  Mərkəzə  qədəm  qoyan hər bir insanda xoş əhval ruhiyyə oyadır, onların  təbiət qoynunda rahat istirahət etməsinə xüsusi stimul yaradır. Mərkəzin yerləşdiyi ərazi Quba rayon mərkəzindən 7 km, gözəlliyi ilə hər kəsi valeh edən Çənlibel gölündən isə cəmi 3 km məsafədə yerləşir. Univeristet müəllimlərinin və tələbələrinin sevimli əyləncə mərkəzinə çevrilən idman sarayında  voleybol zalı, üzgüçülük  hovuzu,  fitnes salonu fəaliyyət göstəriri. Həmçinin ərazidə müasir standartlara cavab verən mini futbol meydançası da mərkəzi ziyarət edən qonaqların ən çox sevdiyi məşğuliyyət yerlərindən biridir. Xüsusilə 960 yerlik tamaşaçı tutumuna  malik olan voleybol zalı  müasir standartlara  cavab  verməklə bərabər, ölkəmizin barmaqla sayıla biləcək müasir idman qurğularından biridir. Heç təsadüfi deyil ki adıçəkilən voleybol salonu dəfələrlə voleybol və futzal üzrə ölkə çempionatlarının oyunlarına ev sahibliyi etmişdir.  İstirahət və tədris məqsədilə Mərkəz ərazisində hər cür rahatlığa malik standart və lüks kateqoriyalı 70 nömrədən ibarət  otel binası,  müxtəlif toplantılar  təşkil etmək üçün 200 nəfərlik  iclas zalı, qonaqları hər cür qidalanma ilə təmin edə bilən yeməkxana, tədris məqsədilə müasir avadanlıqlarla təmin edilmiş  yeddi auditoriya və sinif otaqları qonaqlarnın xidmətindədir.

Mərkəz artıq uzun müddətdir UNEC əməkdaşlarının və Təhsil Nazirliyinin təşkilatçılığı ilə tədris sahəsində müxtəlif  daxili və beynəlxalq tədbirlərin və təlimlərin yüksək səviyyədə təşkil edilməsi ənənə halını almışdır. İclas zalımız və auditoriyalarımız müasir texnika və avadanlıqlarla təchiz edilmişdir. Təlimlər beynəlxalq və ölkə daxilində tanınmış və təcrübəli mütəxəssislər tərəfindən aparılır.

Hər il istirahətlərini Qubada keçirmək istəyən UNEC əməkdaşları üçün burada əlverişli şərait yaradılır. Onlar gündə üç dəfə isti və soyuq yeməklə təmin edilir, rayonun görməli yerlərinə səyahətləri təşkil edilir,asudə vaxtlarının səmərəli keçirilməsi üçün müxtəlif əyləncəli və musiqili proqramlar tərtib edilir. Bir sözlə şəhərin səs küyündən uzaq,sakit guşədə və təmiz havada istirahət edən univeristet əməkdaşlarımız üçün bu mərkəzin yeri əvəzsizdir.

Mərkəzdə beynəlxalq standartlara uyğun qurulan idman bölməsi vardır. Burada voleybol, futbol və basketbol oyunlarının keçirilməsi üçün qapalı idman zalı, saunalar, soyunub-geyinmə, trenajor otaqları, VİP-kabinetlər kabinetlər yaradılmışdır. Bundan əlavə, müasir tipli qapalı hovuzda tələbələrin üzgüçülüklə məşğul olmaları üçün lazımi şərait vardır. Beynəlxalq standartlara cavab verən açıq stadionda futbol, həndbol və digər idman yarışlarının keçirilməsi üçün bütün imkanlar nəzərə alınmışdır.

Mərkəzin tikinti-quraşdırma işləri çərçivəsində kənd yolları yenidən çəkilmiş, işıqlandırma sistemi yaradılmışdır.

Burada beş min kv.m-dən çox əraziyə asfalt örtüyü döşənmişdir.

*

QUBA  tədris, idman və istirahət mərkəzinin xəbərləri UNEC NEWS-da

Amerikalı professor: “Quba soyqırımı insanlığa qarşı cinayətdir” (09.02.2018)
Dünya universitetlərinin alimləri UNEC-də – tədris materialları beynəlxalq standartlara uyğunlaşdırılır (05.02.2018)
“Funday Monday”: UNEC-də bir il (30.05.2017)
UNEC müəllimləri üçün qış məktəbi başa çatıb (15.02.2017)
UNEC-də yeni Qış Məktəbi təşkil edildi (13.02.2017)
Paris-Sorbon Abu-Dabi Universitetinin professorları UNEC-in qış məktəbində (10.02.2017)
UNEC müəllimləri interaktiv tədrisi təşviq edəcək (09.02.2016)