SUES ilin ən fəal fakültələrini seçib
SUES-in həmtəsisçisi və sədri Hidayət Kərimov birliyin iki illik fəaliyyəti dövründə həyata keçirilən layihə və tədbirlər haqqında hesabatını iştirakçılara təqdim edib. Tələbələrlə iş üzrə prorektor, dosent Səadət Qəndilova H.Kərimovun fəaliyyətini yüksək qiymətləndirərək, bu iki il ərzində birliyin uğurlu layihələrə imza atdığını bildirib. Prorektor H.Kərimova gələcək fəaliyyətində uğurlar arzulayıb.
Sonra konfrans iştirakçıları SUES-ə yeni sədrin seçilməsi məsələsini müzakirə ediblər. İqtisadiyyat fakültəsinin III kurs tələbəsi İlkin Mirzəzadənin namizədliyi yekdilliklə qəbul edilib və o, növbəti iki il ərzində SUES-ə sədr seçilib.
Konfransda həmçinin fəal tələbələr sertifikat və diplomlarla təltif edilib. SUES-in layihələrində ən fəal iştirak edən Maliyyə və mühasibat və Texnologiya və dizayn fakültələri ilin ən fəal fakültələri nominasiyaları ilə təltif olunublar.