Azərbaycan Dövlət
İqtİsad Unİversİtetİ

Tarixi

1934-cü ildə Xalq Təsərrüfatı Uçotu məktəbinin əsası qoyulmuşdur. 1934-1936-cı illərdə Bakı Xalq Təsərrüfatı Uçotu məktəbi, 1936-cı ildən Bakı Xalq Təsərrüfatı uçotu texnikumu adı ilə fəaliyyət göstərmişdir. 1941-1945-ci illərdə müharibə dövrü ilə əlaqədar olaraq texnikumun fəaliyyəti müvəqqəti dayandırılmışdır. 1946-cı ildə Mərkəzi statistika idarəsi nəzdində Bakı statistika texnikumu adı ilə yenidən fəaliyyətə başlamışdır.

1966-cı ilin iyul ayından adı dəyişdirilərək Maliyyə-Kredit texnikumu, 1992-ci ildən Azərbaycan Respublikası Nazirlər Kabinetiniun 3 mart 1992-ci il tarixli 119 saylı qərarı ilə Azərbaycan Maliyyə-İqtisad Kolleci adlandırılmışdır. Respublikada orta ixtisaslı iqtisadçı kadrların hazırlanması ilə məşğul olan bu tədris müəssisəsi respublikada ilk kollecdir.

Azərbaycan Respublikası Nazirlər Kabinetinin 17 avqust 2015-ci il tarixli 280 saylı qərarı ilə Azərbaycan Maliyyə-İqtisad Kolleci Azərbaycan Dövlət İqtisad Universitetinin nəzdində Azərbaycan Maliyyə-İqtisad Kolleci adlandırılmışdır.

Kollecin direktorları: Saleh Səmədov (1934-1951), Soltan Ələkbərov (1951-1958), Səid Ağamirzəyev (1959-1966), Samid Adıgözəlov (1966-1969), Cəmşid Əmirov (1969-1972), Əhməd Məcidov (1972-1978), Almaz Adıgözəlova (1978-1983), Mais Bağirov (1983-1988), Mirdamət Sadıqov (1988-1999), Həmzə Ziyadov (1999-aprel, 2017), h.f.d. Oruc Məmmədov (2018-2024) rəhbərlik edib.

3 iyun 2024-cü il tarixindən UNEC nəzdində Azərbaycan Maliyyə-İqtisad Kollecinə Davud Rasim oğlu Davudov direktor təyin edilib.

2024-cü ilin noyabrında UNEC nəzdində Maliyyə-İqtisad Kollecinin 90 illik yubileyi qeyd olunub.

Maddi texniki baza 

Əsas korpus
Ünvan: Y.Məmmədəliyev küçəsi, 8
Dörd mərtəbəli bina, ümumi sahəsi 2073.2 kv.m. (55 kabinet)

II korpus
Ünvan: A.Cəlilov küçəsi, 22
Dörd mərtəbəli bina, geniş həyətyanı sahəsi, ümumi sahəsi 1752 kv.m. (23 kabinet)

Kollecdə 3 şöbə (əyani təhsil) fəaliyyət göstərir:

1. Mühasibat uçotu
2. Maliyyə işi
3. Bank işi

*

Kollecdə aşağıdakı fənn birləmə komissiyaları fəaliyyət göstərir:

1. Mühasibat uçotu və iqtisadi təhlil
2. Kredit və bank işi
3. Maliyyə, vergi və gömrük işi
4. Statistika və menecment
5. Humanitar sosial-iqtisadi fənlər
6. İqtisadiyyat fənləri
7. Texniki və texnoloji fənlər
8. Ümumtəhsil fənləri
9. Dillər