Maliyyə və mühasibat fakültəsinin tələbələri dama yarışının qalibi olub

10 APREL 2017 | OXUNUB:
1205

UNEC-də Ümummilli Lider Heydər Əliyevin 94-cü ildönümünə həsr olunan fakültələrarası idman yarışları davam edir.

Mart ayından start götürən yarış idmanın voleybol, badminton, basketbol, stolüstü tennis, mini futbol, şahmat, dama növləri üzrə keçirilir.

UNEC tələbələri bu dəfə dama yarışında bacarıqlarını sınayıblar. “Şahmat” klubunda təşkil olunan yarış Maliyyə və mühasibat, İqtisadiyyat fakültələri və SABAH qruplarının tələbələri arasında keçirilib. Gərgin və maraqlı keçən yarışda Maliyyə və mühasibat fakültəsinin tələbələri Rəşad Abdullazadə, Cahanağa Ağayev, Kənan Abışov 6 xalla I yerə çıxıblar. İkinci yerə 5,5 xalla SABAH qrupunun tələbələri Bəhruz Fətullazadə, Mahir Şəkərov, Qudrət İbrahimov, üçüncü yerə isə İqtisadiyyat fakultəsinin tələbələri Qoşqar Alxanzadə və Elmir Ağayev layiq görülüblər.

Yarışlara hakimliyi “İqtisadçı” İdman klubunun məşqçisi, Beynəlxalq dərəcəli qrossmeyster Sərxan Quliyev edib.

UNEC-in “İqtisadçı” İdman klubu, Tələbə Gənclər Təşkilatı və Tələbə Həmkarlar Komitəsinin birgə təşkilatçılığı ilə keçirilən yarışların məqsədi gənclər arasında sağlam həyat tərzinin təbliğidir.

Qaliblərimizi təbrik edirik!

1206 1