Bakı Qida Sənayesi Kollecində Dövlət Bayrağı günü qeyd edilmişdir (10.11.2017)

Tədbiri Bakı Qida Sənayesi Kollecinin Təlim tərbiyə işlər üzrə direktor müavini əvəzi Orxan Süleymanzadə açaraq “9 Noyabr – Dövlət Bayrağı” günü münasibəti ilə geniş məruzə etmişdir.
Sonra Bakı Qida Sənayesi Kollecinin direktoru fəlsəfə elmləri doctor Vilayət İsmayılov kollektivi “9 Noyabr-Dövlət Bayrağı” günü münasibəti ilə təbrik etməklə yanaşı geniş çıxışı dinlənilmişdir.
Tədbirdə Bakı Qida Sənayesi Kollecinin müəllimləri Xatirə Məmmədova, Sevinc Şərifova, Firudin Oruc, tələbələrdən Ləman Rəhimova (607-ci qrup), Üliya Səmədova (621-ci qrup), Cavanşir Nəcəfov (SG 017-ci qrup) və Ceyran Məmmədova (ƏE 017-ci) şeir və çıxışlar etmişlər.
Sonra “9 Noyabr-dövlət Bayrağı” günü ilə əlaqədar video – çarx göstərilmişdir.

Dövlət Bayrağı ölkənin dövlət rəmzlərindən biridir. Dövlət Bayrağı hər birimiz üçün Vətən, millət və dil qədər müqəddəsdir. Bu bayramı 50 milyonluq Azərbaycan xalqı dünyanın hər bir yerində yaşayan soydaşlarımız bu günü təntənəli surətdə qeyd edirlər. Hər bir millətin bayrağı onun milli kimliyinin, dilinin, mədəniyyətinin, dini-mənəvi əxlaqının bir sözlə onların ümumiliyi olan milli ideologiyasının ifadəsidir. Bu mənada bugünki Azərbaycan Respublikasının üçrəngli bayraqda Azərbaycan Türk xalqının keçmişi, bu günü və gələcəyi öz əksini tapmışdır. Azərbaycan xalq Cumhuriyyəti Nazirlər Kabinetinin 1918-ci il 9 noyabr tarixli qərarı ilə dövlət bayrağımız qəbul edilmişdir. İlk bayrağımız al-qırmızı rəngdə olmuşdur. 1920-ci ilin 28 aprel işğalından sonra bayrağımız dövlət qurumlarının üzərindən ürəklərə köçdü. Aradan keçən 70 ildən sonra 1990-cı il noyabr ayının 17-də Naxçıvan Ali Məclisində ümummilli lider Heydər Əliyevin sədrliyi ilə keçirilən sessiyasında Azərbaycan Xalq Cumhuriyyətinin bayrağını Muxtar Respublikanın rəsmi bayrağı kimi qəbul edilməsində mühüm rol oynadı. Belə ki, xalqın tələbi ilə, 1991-ci il fevralın 5-də Azərbaycan SSR Ali Soveti Dövlət Bayrağı haqqında statusu verildi. Bayrağımızın eninin uzununa nisbəti 1:2 dir, düzbucaqlı parça şəklindədir.

    Mavi rəng-Türkçülüyü
    Qırmızı rəng-Müasirliyi
    Yaşıl rəng-İslamı bildirir
1991-ci il oktyabrın 18-də dövlət müstəqilliyini bərpa edən Azərbaycan Respublikası özünü Azərbaycan Xalq Cümhuriyyətinin varisi elan edərkən onun dövlət rəmzlərini, o cümlədən, dövlət bayrağını qəbul etdi. Dövlət bayrağının istifadəsi haqqında qanunda deyilir ki, əhali arasında Azərbaycan Respublikasının dövlət bayrağının mahiyyətinin və əhəmiyyətinin geniş təbliğ olunması gənc nəslin Azərbaycan Respublikasının dövlət bayrağına hörmət ruhunda tərbiyə edilməsi məqsədi ilə tədbirlər görür. Bu tədbirlərdən biri də, Prezident İlham Əliyevin 2007-ci il 17 noyabr tarixli sərəncamı ilə Bakı şəhərində Dövlət Bayrağı meydanının yaradılmasıdır. Azərbaycan Respublikasının Dövlət Bayrağının hündürlüyü 162 metrdir, dünyada yeganə bayraq hündürlüyüdür ki, Ginnesin rekordlar kitabına düşmüşdür.

*

1510143494_mg-20171108-wa0017 1510143495_mg-20171108-wa0016 1510143551_mg-20171108-wa0000 1510143555_mg-20171108-wa0012 1510143560_mg-20171108-wa0007