Azərbaycan Dövlət
İqtİsad Unİversİtetİ

Kafedra haqqında

TARİXİMİZ: “UNEC 100″ İnkişaf Strategiyasına uyğun olaraq, müasir əmək  bazarının tələblərinə cavab verən yüksək ixtisaslı kadrların hazıranması və peşekar mütəxəssislərin tədris prosesinə cəlb olunması məqsədilə, Azərbaycan Dövlət İqtisad Universitetinin Elmi Şurasının “Karyera planlaşdırılması və inkişafı ” kafedrasının yaradılması ilə bağlı 14.09.2020 tarixli, 173 N-li  qərarı olmuşdur.

Həmin qərara əsasən, UNEC də 22.01.2021-ci il tarixdən kafedra fəaliyyət göstərməyə başlamışdır.

Kafedra yarandığı ilk gündən i.f.d. dos. E.H.Azadov həmin kafedraya rəhəbərlik etmiş, 15.09.2021 tarixdən kafedranın müdir vəzifəsinə  s.e.ü.f.d. baş müəllim R.R Məhərrəmov seçilmişdir. Hal hazırda kafedraya O rəhbərlik edir.

Azərbaycan Dövlət İqtisad Universitetinin nəzdində fəaliyyət göstərən “Karyera planlaşdırılması və inkişafı” kafedrasının akademik heyətini əsasən iş dünyasından cəlb olunmuş peşəkar mütəxəssislər, eləcə də magistratura və dotorantura təhsillərini yerli və xarici ölkələrdə alan azərbaycanlı müəllimlər təşkil edir. Müəllim heyətinin tərkibində 1 dosent və 2 baş müəllim var.

VİZYONUMUZ: Universitetimizin özünün yenilənən olduqca müasir təhsil və idarəçilik metodları ilə dünya arenasında ön sıralarda mövqeyini, qazanılmış akademik nüfuzunu qorumaq, beynəlxalq rəqabətə davamlı, keyfiyyətli dərslər tədris etməklə, ölkənin sosial və iqtisadi həyatına tövhələr vermək, eyni zamanda beynəlxalq əhəmiyyətli araşdırmalar aparmaqla Azərbaycanın, universitetimizin və kafedramızın adını yalnız ölkəmizdə deyil, ölkə hüdudlarından kənarda da yüksəldə biləcək, peşəkar keyfiyyətlərə  malik akademik heyətə sahib kafedra kimi tanınmaqdır.

Dərs verdiyimiz tələbələri isə gələcək əmək bazarında kəskin rəqabət şərtləri altında sayılıb seçilən peşəkar mütəxəssis olaraq görmək, bizim ən böyük niyyətlərimizdən biridir.

MİSSİYAMIZ: Müasir dünyada baş verən sürətli yeniliklərə uyğun olaraq, yenilənən texnologiyalardan, innovativ idarəetmə və təhsil metodlarından istifadə edərək, cəmiyyətə faydalı, öz sosial məsuliyyətini dərk edən, hüquq və vəzifələrini yetərincə bilən, etik və milli dəyərlərə qarşı həssas, cəmiyyətdə düşüncəsi və davranışları ilə fərqlənəcək, eyni zamanda karyerasında qazandığı bilik və təcrübələrdən istifadə edərək yüksələn, liderlik və idarəçilik bacarıqlarına sahib, yaradıcı, yeniliyə açıq, daima özünü inkişaf etdirməyə səylər göstərən fərdlər yetişdirməkdir.

STRATEJİ MƏQSƏDİMİZ:

• İş dünyasında olan peşəkar və təcrübəli insanaların tədris prossesinə cəlb olunmasına çalışmaq və onların pedaqoji fəaliyyətlərinə dəstək olmaq;
• Gənc müəllim heyətinin akademik sahədə təkmilləşdirilməsi üçün daimi ehtiyaclarının öyrənilməsi və bu istiqamətdə təlimlər vermək;
• Kafedramızda tədris olunan dərslərin bütövlükdə elektron dərsliklərlə təmin olunmasını təşkil etmək;
• Yaxın gələcəkdə akademik heyətin müəllifliyi ilə nəşr olunan kitabların sayını artırmaq;
• Kafedramızın öz tədris və araşdırma fəaliyyətini daha effektiv şəkildə davam etdirə biləcəyi bir infrastruktura sahib olmaq;
• Akademik heyətimizin apardığı araşdırmaların nəticəsi olaraq yazdığı elmi məqalə və nəşrlərin sayını daim artırmaq;
• Beynəlxalq nüfuzlu jurnallarda çap olunan və beynəlxalq konfranslara təqdim edilən məqalə və tədqiqatların sayını daim artırmaq;
• Kafedranın istiqamətinə uyğun olaraq maraqlı tərəflər üçün məqsədli təlimlər təşkil etmək:

DƏYƏRLƏRİMİZ:

Kafedra olaraq, bizi özünəməxsus edən və digər kafedralardan fərqləndirən əsas cəhətimiz sahib olduğumuz dəyərlərimizə bağlılıqdır. Əsas məram və niyyətimiz, sahib olduğumuz dəyərlərə sadiq qalmağımızdır.

• Etik dəyərlərə sahib olmaq
• Komanda şəklində çalışmaq
• Dürüst, şəffaf və intizamlı olaraq çalışmaq
• Təşəbbüskar, yaradıcı və yenilikçi olmaq
• İnkişafa və davamlı öyrənməyə səy görsətmək
• Milli kimliyə sahib olmaq və bunu gənc nəslə aşılaya bilmək
• Gənc nəslin müasir bacarıqlara sahiblənməsi üçün əzmlə səylər göstərmək

*
UĞURLARIMIZ:

İsrail dövlətində “Soft skills” təlimlərində iştirak və beynəlxalq təcrübənin öyrənilməsi. Həmin təcrübəyə əsaslanmaqla UNEC Ömürboyu Təhsil Mərkəzi – Lifelong Learning Center təşkilatçılığı, “Karyera planlaşdırılması və inkişafı” kafedra  müəllimlərimizin səyləri sayəsində qurulan, 4 moduldan ibarət 80 saatlıq “Soft skills” təlimlərinin UNEC-in 500 nəfərlik müəllim-professor və inzibati heyətinə keçirilməsi olmuşdur.

Bundan əlavə, mütləq əksəriyyəti kafedra müəllimlərimizdən ibarət olan komandamızın iştirakı ilə Elm və Təhsil Nazirliyinin sifarişi əsasında 250 nəfərlik məktəb müəllimlərindən ibarət heyətə eyni təlimlərin verilməsi olmuşdur.

Professor-müəllim heyəti:

• Məhərrəmov Rəşad Rəhim (kafedra müdiri) (0.5)
• Hüseyn Afaq Camaləddin
• Məmmədova Günel Rəhman
• Zeynalova Sevda Şahsuvar
•  Yusifova Aytac Əhməd qızı (0,5)
•  İsmayılova Gülnarə İlham qızı (0,5)
•  Quliyeva Könül Əliyar qızı (0,5)
•  Dadaşov Tural Firavan oğlu (0,5)
•  Zeynalov Asəf Zahid oğlu (0,5) 
•  Seyidzadə Nərgiz Kamil qızı (0,5) 
•  Həsənov Saleh Nazim oğlu (0,5) 
•  Bağırov Kənan Sabir oğlu (0,5)   
•  Mahmudzadə Məhsəti Şəfəq qızı (0,5) 
• İsmayılzadə Gülzarsəma Heydər
• Qənbərzadə Səbuhi İbrahim
• Rəsulzadə Sevil Kamran
• Ağazadə Gövhər Asəf
• Cəbrayılova Aysu Təyyar
• Məmmədova Fərəh Cavanşır
• Babayeva Müşkünaz Eldar
• Paşayeva Lalə Rauf