Azərbaycan Dövlət İqtisad Universiteti (UNEC) 2-ci qrant müsabiqəsi elan edir.
“Müsabiqə əsasında universitetin vəsaitlərindən elmi-tədqiqat işlərinin maliyyələşdirilməsi sistemi haqqında” əsasnaməyə uyğun olaraq keçirilən müsabiqə “Azərbaycan 2030: sosial-iqtisadi inkişafa dair Milli Prioritetlər”in reallaşdırılmasına alimlərin töhfəsini stimullaşdırmaq məqsədilə elan olunub.
Qrant müsabiqəsinin şərtləri:
Müsabiqədə AR vergi orqanlarından VÖEN almış, yalnız UNEC-də çalışan əməkdaşlar, doktorantlar, UNEC Tədqiqat Mərkəzlərinin tədqiqatçıları, UNEC əməkdaşlarından ibarət müəllim və tədqiqatçılar iştirak edə bilərlər.
Layihə təklifləri UNEC-də aparılan elmi-tədqiqat işlərinin dəstəklənməsi və inkişafı baxımından “Müsabiqə əsasında universitetin vəsaitlərindən elmi-tədqiqat işlərinin maliyyələşdirilməsi sistemi haqqında” Əsasnaməyə əlavə edilmiş formalara uyğun olaraq təqdim olunmalıdır. Müsabiqəyə təqdim olunan layihələr aşağıdakı tələblərə cavab verməlidir:
– Layihənin dəyəri maksimum 30 (otuz) min manatdır.
– Layihədə təklif olunan işlər hər hansı qrant və digər mənbələrdən maliyyələşdirilən layihələrin predmeti olmamalıdır;
– Hər bir iddiaçı müsabiqədə yalnız bir ərizənin iştirakçısı ola bilər;
– Bütün layihələr, bir qayda olaraq 2 nüsxədə, Azərbaycan dilində, elektron formada (PDF formatda) təqdim edilməlidir;
– Qrant müsabiqəsi üzrə Komissiya üzvləri tərəfindən layihələrin qiymətləndirilməsi 2 mərhələ – texniki və ixtisas üzrə aparılacaqdır.
– Yaşıl sahibkarlıq: Azərbaycan KOM-larında yaşil texnologiyalarin təşviqi
– Qarabağda tullantilarin idarə edilməsi və resurslarin səmərəliliyi üzrə dairəvi iqtisadiyyat modeli
– Azərbaycanda yaşil infrastruktur layihələri üçün innovativ maliyyələşdirmə mexanizmləri
– Yaşıl universitetə keçid modeli
– İqlim dəyişmələri kontekstində dayanıqlı maliyyəyə keçid: dünya təcrübəsi və Azərbaycan reallığı
– Azərbaycanda ağıllı təhsil modeli
– Yaşıl nanotexnologiyalar
Layihədə iştirak etmək istəyən müəllim və tədqiqatçılar ərizə və layihə təkliflərini (sifarişlərini) əlavələr formasında qrant müsabiqəsi elan olunan tarixdən bir ay müddətinədək saat 18.00-dan gec olmayaraq, elektron formada (pdf formatda) [email protected] elektron-poçt ünvanına göndərməlidir.
UNEC elmi-tədqiqat layihələrinin dəstləklənməsi məqsədilə 2-ci qrant müsabiqəsi elan edir