“Özünü nüfuzlu reytinqlərdə təsdiq edən, Cənubu Qafqazın ən böyük iqtisadyönümlü universiteti olan UNEC-in filialının Rusiya Federasiyası ərazisində açılması mühüm hadisədir. Ümidvarıq ki, UNEC-in Dərbənd filialı Dağıstan üçün lazım olan iqtisadçı kadrların hazırlanmasında əvəzsiz xidmət göstərəcək”

Olqa Vasilyeva, Rusiya Federasiyasının təhsil və elm naziri

7842 2


*

Sayt: ageu-derbent.ru

Ünvan: Rusiya, Dərbənd şəhəri, H.Əliyev küçəsi, 10B

Telefon: (87240) 4-52-86, (87240) 4-52-85, 8(928)254-80-23

1-DSC_08561-DSC_07341-DSC_07441-DSC_07491-DSC_07931-DSC_0804

Filial azərbaycanlıların sıx yaşadığı Dərbənd şəhərində soydaşlarımızın ali təhsil almasına kömək məqsədi ilə ümummilli lider Heydər Əliyevin təşəbbüsü ilə 1993-cü ildə yaradılıb.

Azərbaycan Respublikasının Prezidentinin göstərişi ilə İqtisad Universitetinin Dərbənd filialının yeni təhsil kompleksi tikilərək istifadəyə verilib. Muasir tələblərə cavab verən kampus 1500 tələbə üçün nəzərdə tutulub. Kampusa 200 nəfərlik tələbə yataqxanası, kitabxana, yeməkxana, idman zalı və hovuz, həmçinin 200 nəfərlik lisey də daxildir.

Rusiya Federasiyası Elm və Təhsil Nazirliyinin 25 noyabr 2015-сi il tarixli 2220 saylı əmri ilə UNEC-in Dərbənd filialının fəaliyyəti üçün lisenziya verilib. 2016/2017-ci tədris ili üçün ali təhsilin bakalavr pilləsi üzrə UNEC-in Dərbənd filialına Rusiya Federasiyası Elm və Təhsil Nazirliyinin 14 oktyabr 2015-ci il tarixli 1147 saylı əmrinə uyğun hazırlanan Qəbul Qaydaları təsdiq edilib. Qəbul Qaydaları UNEC-in Elmi Şurasının 25 dekabr 2015-ci il tarixli 142 saylı qərarı ilə təsdiq edilib.

2016-cı il noyabrın 28-də  Azərbaycan Dövlət İqtisad Universitetinin Rusiya Federasiyasının Dağıstan Respublikasının Dərbənd şəhərindəki filialının rəsmi açılışı olub.

Filiala qəbul Rusiya Federasiyasında tələbələrin qəbul qaydalarına əsasən aparılır. Tədris rus dilindədir.

Filialda 4 ixtisas üzrə bakalavr hazırlanır:

  • Dünya iqtisadiyyatı;
  • Maliyyə-kredit;
  • Mühasibat uçotu və audit;
  • Ümumi iqtisadiyyat.

*
UNEC-in Dərbənd filialında direktor vəzifəsini Abasova Təranə Kaflanovna icra edir.

Əlaqə: 8(87240) 4-52-84
*

Dərbənd filialının xəbərləri UNEC NEWS-da

UNEC-in Dərbənd filialında 20 Yanvar şəhidlərinin xatirəsi anılıb (22.01.2018)
UNEC rektorunun Dərbənd filialının rəsmi açılışındakı çıxışının mətni (29.11.2016)
UNEC-in Dərbənd filialının rəsmi açılışı olub (28.11.2016)