Azərbaycan Dövlət
İqtİsad Unİversİtetİ

Qiyabi və Əlavə Təhsil Mərkəzi  haqqında

UNEC Qiyabi və əlavə təhsil mərkəzi UNEC-in Elmi Şurasının 21 yanvar 2021-ci il tarixli iclasının EŞ 176 №-li qərarı əsasında UNEC rektorunun 04.05.2021 tarixli, 160/3/2021 saylı əmri ilə UNEC-in Distant, qiyabi və əlavə təhsil mərkəzinin bazasında yenidən təşkil edilmişdir. Mərkəzin əsasnaməsi UNEC-in Elmi Şurasının 07 aprel 2021-ci il tarixli iclasında EŞ 177 №-li qərarı ilə təsdiq edilmişdir.

Mərkəz UNEC-in təhsilin bakalavriat səviyyəsində qiyabi təhsil forması və əlavə təhsilin istiqamətləri üzrə tədris prosesini həyata keçirən, həmçinin UNEC üzrə Yay semestrini təşkil edən struktur bölmədir. 

*

Mərkəzdə həyata keçirilən təhsil formaları:

Qiyabi təhsil.

Qiyabi təhsil seçimini edən abituriyenlər adətən çalışanlar, ya da ikinci təhsil alanlardır. Bu təhsil formasının əsas xüsusiyyəti işləyərək oxumaq imkanının əldə olunmasıdır. Qiyabi təhsil tələbələrə oxumaqla yanaşı hər hansı bir sahədə işləməyə də şərait yaradır.  Çünki Azərbaycan Respublikasının Əmək Məcəlləsinə əsasən əyani təhsil alan şəxslərə işləmək icazəsi verilmir. Mərkəzdə qiyabi təhsilalma formasında tədrisin təşkili “Təhsil haqqında Azərbaycan  Respublikasının qanunu”, “Ali təhsil pilləsinin dövlət standartı və proqramı”, “Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili qaydaları”, “Bakalavriat təhsilinin məzmunu və təşkili qaydaları”, “Kredit sistemi ilə təhsil alan tələbələrin biliyinin qiymətləndirilməsi haqqında əsasnamə” və təhsil haqqında digər qanunvericicilik aktları əsasında aparılır.

Qiyabi təhsilalma formasında tədrisi həyata keçirilən ixtisaslar: 

– Maliyyə
– Mühasibat
– İqtisadiyyat
– Ekologiya
– Beynəlxalq ticarət və logistika
– Menecment
– Marketinq
– Biznesin idarə edilməsi
– Dövlət və bələdiyyə idarəetməsi
– İnformasiya texnologiyaları
– İnformasiya təhlükəsizliyi
– Sosial iş
– Beynəlxalq münasibətlər

*

Qiyabi və əlavə təhsil mərkəzinin 2023/2024-cü tədris ilində qiyabi təhsil alan
I-IV il tələbələrinin Yaz semestri üzrə  DƏRS CƏDVƏLİ

Cedvel 1 kurs 2 semestr -2024

Cedvel 2 kurs 2 semestr -2024

Cedvel 3 kurs 2 semestr -2024

Cedvel 4 kurs 2 semestr -2024

Cedvel 1 kurs 2 semestr rus dili 2024

Ali təhsil müəssisələrinin bakalavriat və magistratura səviyyələrində, əsas (baza ali) tibb təhsilində və Azərbaycan Milli Elmlər Akademiyasının magistratura səviyyəsində kredit sistemi ilə tədrisin təşkili Qaydaları
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi Qaydas
UNEC-də Yay semestrinin təşkili və keçirilməsi QAYDALARI
UNEC QƏTM-in Əsasnaməsi – 2021-ci il
UNEC-in Qiyabi və Əlavə təhsil Mərkəzi – 2022-2023-cü tədris ili üzrə akademik təqvim

*

Təkrar ali təhsil.

Təkrar ali təhsil ilkin baza peşə-ixtisas təhsili proqramı ilə yenidən əldə ediləcək ixtisasın baza təhsil proqramı arasındakı fərq bir tədris ilinə hesablanmış saatdan çox olduqda mütəxəssislərə verilən əlavə təhsil növüdür. Proqramlar arasındakı fərq təkrar ali təhsil və orta ixtisas təhsili verən müəssisə tərəfindən müəyyən edilir.

Mütəxəssis hazırlamaq işində çevikliyi və ayrı-ayrı şəxslərin əlavə ixtisas təhsili almaq arzusunu təmin etmək məqsədi ilə təkrar ali təhsil və orta ixtisas təhsili bu təhsili almaq istəyən şəxs­lərlə və ya onların işlədikləri idarə və təşkilatlarla müvafiq təhsil müəssisəsi arasında bağlanmış müqavilələr əsasında həyata keçirilir.

Əvvəl aldığı ixtisasın baza proqramında öyrənilmiş fənlərin məzmunu yeni almaq istədiyi əlavə ixtisasın təhsil proqramına daxil olan hər hansı fənnin məzmununa uyğun olduqda tələbə həmin fənlər üzrə məşğələlərdən və attestasiyadan azad olunur.

Təkrar ali təhsil üzrə proqram və tədris planı əsasında ali təhsilini müvəffəqiyyətlə başa vuranlara bakalavr dərəcəsi və ali təhsil haqqında diplom verilir.

Təkrar ali təhsilə qəbul olunan tələbələr öz seçimləri əsasında əyani və ya qiyabi təhsilalma formasında təhsillərini davam etdirirlər.

*

Təkrar ali təhsilə qəbul həyata keçirilən ixtisaslar:

• Maliyyə
• Mühasibat
• İqtisadiyyat
• Beynəlxalq ticarət və logistika
• Statistika
• Menecment
• Dövlət və bələdiyyə idarəetməsi
• Biznesin idarə edilməsi
• Marketinq
• Sosial iş
• Ekologiya
• Beynəlxalq münasibətlər
• İnformasiya texnologiyaları
• İnformasiya təhlükəsizliyi
• Kompüter elmləri
• Kompüter mühəndisliyi
• Sənaye mühəndisliyi
• Ekologiya mühəndisliyi
• Qida mühəndisliyi
• Maşın mühəndisliyi
• Materiallar mühəndisliyi
• Kommunikasiya sistemləri mühəndisliyi
• Elektrik və elektronika mühəndisliyi
• Dizayn

*
UNEC-in  Zaqatala filialı üzrə:

• Maliyyə
• İqtisadiyyat
• Mühasibat
• Menecment
• İnformasiya texnologiyaları
• Biznesin idarə edilməsi
• Marketinq
• Turizm işinin təşkili
• Dövlət və bələdiyyə idarəetməsi