Azərbaycan Dövlət
İqtİsad Unİversİtetİ

“Mühəndislik və tətbiqi elmlər”  kafedrası  “Mühəndislik” fakültəsinin nəzdində UNEC-in Elmi Şurasının 31 may 2020-ci il tarixli iclasının EŞ-172 saylı və 14 sentyabr 2020-ci il tarixli iclasının EŞ-173 saylı qərarlarının icrasını təmin etmək məqsədilə UNEC rektorunun  13 oktyabr 2020-ci il tarixli, 487/3/2020 saylı əmri əsasında yaradılmış və 19 oktyabr 2020-ci il tarixindən etibarən fəaliyyətə başlamışdır.

“Ekspertiza və standartlaşdırma” fakültəsinin “İstehlak mallarının ekspertizası”, “Standartlaşdırma və sertifikasiya“, “Qida məhsullarının texnologiyası”, “Texnoloji maşınlar və sahə avadanlıqları” və “Fizika və kimya” kafedraları ləğv edilmiş və “Mühəndislik” fakültəsi, “Mühəndislik və tətbiqi elmlər” kafedrası yaradılmışdır.

Kafedrada 2020/2021-ci tədris ilindən başlayaraq təhsilin bakalavr pilləsində “Sənaye mühəndisliyi”, “Materiallar mühəndisliyi”, “Maşın mühəndisliyi”, “Ekologiya mühəndisliyi”, “Elektrik və elektronika mühəndisliyi” və  “Qida mühəndisliyi” ixtisasları üzrə və eyni zamanda təhsilin bakalavr pilləsində II, III və IV kurslarda, eləcə də magistratura pilləsində “Texnoloji maşın və avadanlıqlar mühəndisliyi”, “Qida məhsulları mühəndisliyi”, “Çoxişlənən malların texnologiyası mühəndisliyi”, “İstehlak mallarının ekspertizası və marketinqi” və “Metrologiya, standartlaşdırma və sertifikasiya mühəndisliyi” ixtisasları üzrə kadr hazırlığı həyata keçirilir.

Mühəndislik ixtisasına mükəmməl yiyələnən kadrlar bu günkü müasir dünyamızın təməl texnologiyalarını idarə edir. Enerji təchizatı və ötürülməsi, tibb və səhiyyə sahələrindən tutmuş sənayedə tətbiq imkanlarına, qlobal ticarət, nəqliyyat, rabitə, əyləncə və təhlükəsizlik sahələrinə qədər həyatımızın hər sahəsi elektrik və elektron texnologiyalardan asılıdır.

Tələbələr bu ixtisasa  yiyələnməklə,  texnologiya sektorunda işləmək üçün lazım olan geniş bilik və bacarıqlar əldə edəcək, həm də müasir  peşəkar mühəndis tərəfindən tələb olunan daha geniş səlahiyyətlərə sahib olacaqlar.

Tədris prosesində tələbələr əsas mühəndislik bacarıqlarını yalnız mühazirələrə qatılaraq deyil, həm də konkret layihələr üzərində birgə işləməklə əldə edə bilirlər. Proqramda texniki fənlərlə yanaşı, sosial və ünsiyyət fənləri də yer alır. Tələbələr analoq və rəqəmsal avadanlıqlar, dizayn və mühəndislik kimi fənləri mənimsəyəcəklər. Üstəlik kursda proqramlaşdırma da var!

Bundan  başqa, bu ixtisasda texnologiyanın əsas prinsipləri ilə yanaşı,  yeni cihaz və qurğularla  da tanış olurlar. Burada müasir innovativ texnologiyalar haqqında  geniş məlumatlar verilir.

Proqram çərçivəsində təhsil alan tələbələr geniş texniki biliklər əldə etməklə yanaşı fənlərarası bir yanaşma da mənimsəyə bilərlər. Təcrübə dövründə isə tələbələr praktik və peşə keyfiyyətlərini inkişaf etdirmək imkanına malik olurlar.

Karyera imkanları: Bu  proqramların məzunları mühəndis və ya proqram və aparat dizaynerləri, texniki nəzarətçilər və satış nümayəndələri kimi əla perspektivlərə malikdirlər. Qazanılan yüksək texniki bacarıqlar, eləcə də problemləri anlamaq və təhlil etmək, nəticələr barədə məlumat vermək bacarığı sayəsində nəinki ölkəmizdə, hətta ölkəmizin hüdudlarından kənarda belə sənayenin və kənd təsərrüfatının  müxtəlif sahələrində qabaqcıl və aparıcı dövlət və özəl sektorlarda əla karyera imkanlarına sahib ola bilərlər.

Kafedrada 99 nəfər professor-müəllim heyəti, onlardan 8 nəfər elmlər doktoru, professor, 57 nəfər elmlər namizədi və ya ixtisası üzrə fəlsəfə doktoru (1 nəfəri professor, 43 nəfəri dosent, 10 nəfəri baş müəllim və 3 nəfəri müəllim olmaqla), elmi dərəcəsi olmayan 22 baş müəllim və 9 müəllim, 3 nəfər məsləhətçi-professor və  6 nəfər tədris-köməkçi heyət çalışır.

Kafedraya fizika elmləri doktoru, professor Rövnəq Mirzə oğlu Rzayev  2020-2024-cü ilin oktyabr ayına kimi rəhbərlik edib.

22.11.2024-cü il tarixindən Laboratoriyaların işinin təşkili mərkəzinin direktoru f.f.d. Nağıyev Tural Qulu oğlu 0,5 ştat əvəzçiliklə baş müəllim vəzifəsində saxlanılmaqla  həmin kafedranın müdiri vəzifəsinə keçirilib.

“Mühəndislik və tətbiqi elmlər” kafedrasının dosenti a.f.d. Sadıqov Ramil Əli oğlu –  23.11.2024-cü il tarixindən 0,5 ştat əvəzçiliklə dosent vəzifəsində saxlanılmaqla  Laboratoriyaların işinin təşkili mərkəzinin direktoru vəzifəsinə təyin edilib.

Kafedraya müasir cihaz və avadanlıqlarla təchiz olunmuş 11 tədris-metodiki laboratoriya xidmət göstərir.

– “Qida kimyası və mikrobiologiya” laboratoriyası;

– “Qida texnologiyaları” laboratoriyası;

– “Ekologiya” laboratoriyası;

– “Fizika 1” laboratoriyası;

– “Fizika 2” laboratoriyası;

– “Kimya 1” laboratoriyası;

– “Kimya 2” laboratoriyası;

– “Elektronika” laboratoriyası;

– “Elektrotexnika” laboratoriyası;

– “Materialşünaslıq” laboratoriyası;

– “Maşın və sənaye mühəndisliyi” laboratoriyası.

*

Müasir dünyada ali təhsil müəssisələri tərəfindən distant formada həyata keçirilən təhsil həm nəzəri, həm də praktik hissələrdən ibarət olmalıdır. Təhsil müəssisələri tərəfindən həyata keçirilən distant təhsil yalnız fənlər (modullar) üçün tədris və metodiki kompleksləri deyil, həm də peşəkar bacarıq və vərdişlərə  yiyələnməyə yönəlmiş proqram təminatını da əhatə etməlidir.  Bunun ən yaxşı yolu distant təhsil mühitində modelləşdirilmiş virtual laboratoriyalardır. COVID-19 pandemiyası dönəmində dünya təhsil sistemində distant təhsil forması alternativsiz təhsil forması kimi özünü təsdiqlədi. Bu məqsədlə artıq UNEC-də distant təhsil uğurla tətbiq edilir. Yeni yaradılmış  “Mühəndislik və tətbiqi elmlər” kafedrasında virtual laboratoriyalar yaradılıb və qısa zamanda bütün ixtisasları əhatə edəcək virtual laboratoriyalar bazasının yaradılması nəzərdə tutulur.

Kafedrada müxtəlif istiqamətlər üzrə büdcə təyinatlı elmi-tədqiqat işləri aparılır. Kafedra əməkdaşları tərəfindən alınmış elmi nəticələr çoxsaylı xarici və Respublika nəşrlərində, o cümlədən impakt faktorlu xarici  jurnallarda dərc olunmuşdur. Kafedra əməkdaşları Beynəlxalq və Respublika səviyyəli konfranslarda  dəfələrlə məruzə ilə iştirak etmişlər.

Bunun nəticəsidir ki, kafedranın əməkdaşları  UNEC Differensial əmək haqqı sistemi üzrə reytinq cədvəlində həmişə  qabaqcıl yerlər tuturlar. Təkcə 2019/2020 – ci tədris ilinin yekununa əsasən Differensial əmək haqqı sistemi üzrə reytinq cədvəlində kafederanın  30-dan artıq əməkdaşı ilk yüzlükdə yer almışlar.

Kafedra Respublikamızın və digər xarici ölkələrin bir sıra müxtəlif təhsil müəssisələri və elmi mərkəzləri ilə  sıx elmi və praktik əlaqə saxlayır.

Kafedranın nəzdində həmçinin Rektorun 29 mart 2019-cu il tarixli 188/3/2019- saylı əmri ilə yaradılmış “Kompozit materiallar” Elmi Tədqiqat Mərkəzi də fəaliyyət göstərir. Mərkəzə ictimai əsaslarla prof. R.M.Rzayev rəhbərlik edir. Tədqiqat Mərkəzində 13 nəfər (o cümlədən 6 elmlər doktoru, professor, 7 elmlər namizədi, dosent) ictimai əsaslarla tədqiqatçı kimi çalışırlar. Mərkəz yaradıldıqdan dərhal sonra elmi-tədqiqat işlərinin aparılmasına şirkətlər tərəfindən investisiya qoyuluşunun stimullaşdırılması və cəlb edilməsi məqsədilə respublikanın 6 müxtəlif elmi-təhsil müəssisəsinin – AMEA-nın Fizika İnstitutu, AMEA akademik Y.H.Məmmədəliyev adına Neft-Kimya Prosesləri İnstitutu, AMEA Polimer Materialları İnstitutu, Nəqliyyat, Rabitə və Yüksək Texnologiyalar Nazirliyi nəzdində Yüksək Texnologiyalar üzrə Tədqiqat Mərkəzi, habelə Bakı Dövlət Universiteti və Azərbaycan Memarlıq və İnşaat Universiteti nəzdində fəaliyyət göstərən Elmi Tədqiqat Laboratoriyaları ilə Birgə Elmi Texniki Əməkdaşlıq Haqqında Müqavilələr bağlanılıb. Bu, həmin işlərin daha yüksək səviyyədə yerinə yetirilməsinə şərait yaradır.

Kafedrada həm bakalavriat, həm də magistratura pilləsində tədris olunan fənlər üzrə mühazirə, məşğələ və laboratoriya dərsləri yüksək səviyyədə müasir təlim metodlarının tətbiqi ilə aparılır, tədris edilən fənlər üzrə tədris proqramlarının, metodik göstərişlərin, dərs vəsaiti və dərsliklərin hazırlanması, kafedraya yeni perspektivli gənclərin cəlb olunması və onlara pedaqoji təcrübə toplamaqda köməklik göstərilməsi, tələbələrin elmi-tədqiqat işlərinə cəlb olunması və bu işlərə rəhbərlik edilməsi, Tələbə Elmi Cəmiyyəti ilə sıx ünsiyyətdə olmaqla, kafedra tərəfindən tələbələrin elmi-tədqiqat  işlərinə nəzarət və dəstək üçün seçilmiş rəhbərlərin fəallığının artırılması istiqamətində işlərə xüsusi diqqət yetirilir.

“UNEC 100” İnkişaf Strategiyasını əsas götürməklə UNEC-in strateji inkişafının müasir dövrün tələbləri baxımından yenilənməsi, bu istiqamətdə məqsəd, hədəf və fəaliyyətlərin icrasını daha çevik və səmərəli həyata keçirmək məqsədilə görüləcək tədbirlər daim diqqət mərkəzində saxlanılır.

Aşağıdakı ixtisaslar üzrə kadr hazırlığı “Mühəndislik və tətbiqi elmlər” kafedrasına təhkim edilmişdir:

“Sənaye mühəndisliyi”

“Materiallar mühəndisliyi”

“Maşın mühəndisliyi”

“Ekologiya mühəndisliyi”

“Elektrik və elektronika mühəndisliyi”

“Qida mühəndisliyi”

II, III və IV kurslarda “Texnoloji maşın və avadanlıqlar mühəndisliyi”, “Qida məhsulları mühəndisliyi”, “Çoxişlənən malların texnologiyası mühəndisliyi”, “İstehlak mallarının ekspertizası və marketinqi” və “Metrologiya, standartlaşdırma və sertifikasiya mühəndisliyi” ixtisasları üzrə kadr hazırlığı “Mühəndislik və tətbiqi elmlər” kafedrasına təhkim edilmişdir.

*

Professor-müəllim heyəti:

1. f.e.d., prof. Rzayev Rövnəq Mirzə (Elm və innovasiya məsələləri üzrə prorektor)   (0.5) 
2. tex.e.d., prof. Fərzəliyev Məzahir Həmzə
3. tex.e.d., prof. Səidov Rasim Əzim (0.75)
4. tex.e.d., prof. Nuriyev Məhəmmədəli Nurəddin
5. tex.e.d., prof. Vəliyev Fazil Əli
6. f.-r.e.d., prof. Babayeva Rəna Fikrət (ixtisas rəhbəri)
7. f.e.d., prof. Tağıyev Mayıl Məsim
8. tex.e.d., prof. Aslanov Zabit Yunus (ixtisas rəhbəri)
9. b.f.d., dos. Məhərrəmova Mehriban Həmid (ixtisas rəhbəri)
10. b.e.n., dos. Mirzəyev Gəray Surxay
11. tex.e.n., dos. Hüseynov Azər Ədalət
12. k.e.n., dos. Məmmədov Oqtay Əkbər
13. tex.f.d., dos. Alverdiyeva Nazilə Fərman
14. tex.e.n., dos. Abdullayeva Svetlana İdris
15. tex.e.n., dos. Seydəliyev İlham Məhəmməd (0.5)
16. k.e.n., dos. Abbasbəyli Gülnisə Ağaqulu
17. tex.e.n., dos. Qurbanov Nüsrət Heydər
18. tex.e.n., dos. Omarova Elza Mədət
19. tex.e.n., dos. Fərzəliyev Elsevər Baba
20. b.e.n.. dos. Qurbanova Afilə Alı
21. tex.e.n., dos. Qədimova Natəvan Səfər
22. b.e.n.. dos. Axundova Nazilə Abdul
23. t.f.d., dos. Hüseynov Mövlud Ərəstun (ixtisas rəhbəri)
24. tex.e.n., dos. İsmayıl-zadə Mətanət Həmzə
25. tex.e.n., dos. Sultanov Elmar Çingiz
26. fiz.f.d., dos. Kərimova Nurlanə Kərim
27. f-r.e.n., dos. Cəfərova Sevda Ziyad
28. f-r.e.n., dos. Axundova Nailə Mubin
29. k.e.n., dos. Həşimov Xalıq Məmməd
30. k.e.n., dos. Quliyeva Xalidə Yadigar
31. tex.e.n., dos. Osmanov Tofiq Ramazan
32. k.e.n., dos. İbrahimova Dürdanə Əbil
33. f.f.d., dos. Əhmədova Arzu Musa
34. i.f.d., dos. Nəsrullayeva Günəş Məzahir
35. i.f.d., dos. Dadaşova Kəmalə Seyfulla
36. tex.f.d., dos. Rəcəbov İlqar Saleh
37. b.ü.f.d., dos. Quliyeva Fəridə Rahib
38. b.ü.f.d., dos. Quliyeva Lalə Vəkil
39. i.f.d., dos. Kərimova Maya Cavanşir
40. i.e.n., dos. Məmmədova Nigar Oktay
41. tex.e.n., dos. Səmədov Elçin Ələsgər (0.5)(Mühəndislik fak. dekanı)
42. tex.f.d., dos. Cəfərov Elman Novruz (0.5) (Rəqəmsal iqt. fak. dekanı)
43. tex.f.d., dos. Abbasova Sevinc Məhəddin
44. tex.f.d., dos. Məmmədov Azər İsmayıl (ixtisas rəhbəri)
45. k.e.n., dos. Xəlilov Əli Nəriman
46. a.f.d., dos. Sadıqov Ramil Əli (LİTM-nin direktoru)
47. f.-r.e.n., dos. Sadıqov Rafiq Mikayıl (0.5)
48. b.f.d., b/m. Babaşlı Aynur Əmirxan
49. tex.f.d., b/m. Kazımova İlhamə Hüseyn
50. b.f.d., dos. Yusifova Mehriban Rauf
51. b.f.d., dos. Məhərrəmova Sevinc İsmayıl
52. b.f.d. Məmmədəliyeva Məryam Xalıq
53. b.f.d., b/m. Musayeva Vüsalə Hacı qızı
54. f.f.d. Asimov Əhməd Əlizar
55. b/m. Əliyeva Zənurə Həsrət
56. b/m. Cəfərova Afət Məstan
57. b.ü.f.d., b/m. Quliyeva Sənubər Abdulla
58. b/m. Cabbarova Qənirə Zərgər
59. b/m. Allahverdiyeva İlhamə Fəxrəddin
60. b/m. Həsənova Aynurə Fəxrəddin
61. b/m. Neymətova Ülkər Vaqif
62. b/m. Həsənova Gülnaz Gülağa
63. b/m. Əhmədova Sevda Ömər
64. b/m. Manafova Şəfa Şahid
65. b/m. Hüseynova Aynurə Yadigar
66. b/m. İmanova Gültəkin Musa
67. b/m. Zeynalova Mehriban Süleyman
68. b/m. Bəxtiyarova Sevda Heydər
69. g-m.e.n., b/m. Məmmədov Vidadi Sabir
70. tex.e.n., dos. Səfərova Təranə Qasım
71. b/m. Novruzova Ulduzə Cümşüd
72. b/m. Əliyeva Mətanət Əziz
73. b/m. Süleymanova Adilə Yemilyan
74. b/m. Məhərrəmova Samirə Sabir 
75. b/m. Hüseynova Yazgüllü Süleyman (0.5)
76. f.f.d., b/m. Nağıyev Tural Qulu (0.5)
77. k.f.d., b/m. Niyazova Aytən Ağaisa
78. tex.f.d., b/m. Məmmədova Gülnarə Əli
79. tex.f.d., b/m. Rəhimova Könül Elburus
80. r.f.d., b/m. Mustafayeva Esmira Musaifovna (ixtisas rəhbəri)
81. müəl. Abdullayeva Sevinc Müseyib (dekan müavini) (0.5)
82. müəl. Abbasova Sevda Elbrus
83. b/m. Mahmudova Nigar Rəsul
84. müəl. İslamov Fuad Əhmədağa
85. tex.f.d., b/m. Əkbərova Fəridə Akif
86. tex.f.d., b/m. Mustafayeva Kəmalə Əsgər
87. müəl. Musayeva Qəribə Teymurxan
88. müəl. Həsənova Zülfiyyə Paşa (0.5)
89. müəl. Ələsgərova Nərminə Arzu (0.25)

*
Məsləhətçi-professorlar

Göyüşov Rövşən Cahandar – k.e.n., professor
Hüseynov Vəkil Neymət –  tex.e.n., professor

*

Kafedra müəllimlərinin AKADEMİK PROFİLLƏRİ

Kafedra müəllimlərinin korporativ e-mail siyahısı

“Mühəndislik və tətbiqi elmlər”  kafedrası UNEC NEWS-da